IPL 2023, Gujarat Titans vs Sunrisers Hyderabad Live Marathi : सनरायझर्स हैदराबादने नाणेफेक जिंकून प्रथम गोलंदाजीचा निर्णय घेतला. गुजरात टायटन्स आज लव्हेंडर रंगाच्या जर्सीत खेळणार आहे. कर्करोगाबाबत जनजागृती करण्यासाठी गुजरात टायटन्सने आज जर्सी बदलण्याचा निर्णय घेतला आहे. कर्णधार हार्दिक पांड्याने SRHचा कर्णधार एडन मार्कराम याच्या जर्सीवरही लव्हेंडर रंगाची फित बांधली. गुजरात टायटन्स तालिकेत १६ गुणांसह अव्वल स्थानावर आहे आणि हैदराबाद ८ गुणांसह ९व्या क्रमांकावर आहे. SRHच्या प्ले ऑफच्या आशा संपल्यात जमा आहे आणि काही करिष्मा झाला तरच ते प्ले ऑफ खेळू शकतील.
आजच्या सामन्यासह त्यांचे ३ सामने शिल्लक आहेत आणि ते जिंकून जास्तीत जास्त त्यांचे १४ गुण होऊ शकतील. GT ने आज विजय मिळवल्यास क्वालिफायर १ मधील त्यांचे स्थान पक्के होऊन जाईल. हैदराबादच्या संघात ग्लेन फिलिप्सच्या जागी मार्को यान्सेन प्लेइंग इलेव्हनमध्ये परतला आहे. गुजरातकडून आज दासून शनाका पदार्पण करतोय, तर विजय शंकरला नेट्समध्ये दुखापत झाल्याने तो आज खेळत नाहीए. त्याच्या जागी साई सुदर्शनला संधी मिळालीय.
गुजरात टायटन्स - वृद्धीमान साहा, शुबमन गिल, साई सुदर्शन, हार्दिक पांड्या, डेव्हिड मिलर, दासून शनाका, राहुल तेवातिया, राशीद खान, मोहित शर्मा, मोहम्मद शमी, नूर अहमद
सनरायझर्स हैदराबाद - अभिषेक शर्मा, राहुल त्रिपाठी, एडन मार्कराम, हेनरिच क्लासेन, अब्दुल समद, सनवीर, मार्को यान्सेन, मयांक मार्कंडे, भुवनेश्वर कुमार, अब्दुल फारुकी, टी नटराजन