इंडियन प्रीमिअर लीग २०२३ मध्ये १६ गुणांसह गुजरात टायटन्स अव्वल स्थानावर आहेत आणि ते प्ले ऑफच्या शर्यतीत आघाडीवर आहेत. गुजरात टायटन्सचे खेळाडू १५ मे रोजी IPL 2023 सीझनमधील त्यांच्या शेवटच्या होम गेममध्ये कॅन्सरविरुद्धच्या लढ्याला पाठिंबा देण्यासाठी लॅव्हेंडरची डर जर्सी घालणार आहेत.
हार्दिक पांड्याच्या नेतृत्वाखालील संघाचा या आयपीएलमधील शेवटच्या घरच्या सामन्यात येथील नरेंद्र मोदी स्टेडियमवर सनरायझर्स हैदराबादचा सामना होत आहे. या उपक्रमाचा उद्देश कर्करोगाच्या गंभीर समस्येवर प्रकाश टाकणे आहे, जो भारत आणि जगभरातील मृत्युदरात महत्त्वाची समस्या बनली आहे. लॅव्हेंडरची निवड यासाठी की सर्व प्रकारच्या कर्करोगाचे प्रतीक असलेला रंग, या विनाशकारी रोगामुळे प्रभावित झालेल्या अनेक जीवनांची एक शक्तिशाली आठवण म्हणून काम करते. लॅव्हेंडर जर्सी परिधान करून, गुजरात टायटन्सचे उद्दिष्ट कॅन्सरबाबत जागरुकता वाढवणे, कॅन्सरशी लढण्यासाठी जीवनशैलीतील बदल महत्त्वाच्या भूमिकेवर भर देणे हे आहे.
या उपक्रमाद्वारे, गुजरात टायटन्स लोकांना कॅन्सर प्रतिबंध आणि आवश्यक जीवनशैलीतील बदलांबद्दल अधिक जाणून घेण्यासाठी प्रेरित करेल अशी आशा आहे आणि नियमित तपासणीसह रोग विकसित होण्याचा धोका लक्षणीयरीत्या कमी करू शकतो. कर्णधार हार्दिक पंड्या म्हणाला, “कर्करोग ही भारतातील आणि जगभरातील लाखो लोकांची लढाई आहे आणि एक संघ म्हणून या प्राणघातक आजाराविषयी जागरूकता निर्माण करण्यासाठी आम्ही जबाबदार आहोत. लॅव्हेंडर जर्सी घालणे हा कर्करोग रुग्ण, वाचलेले आणि त्यांच्या कुटुंबियांशी एकता दाखवण्याचा आमचा मानस आहे. आम्हाला आशा आहे की आमच्या कृतींमुळे इतरांना प्रतिबंधात्मक उपाय करण्यास आणि ही लढाई लढणार्‍यांना पाठिंबा देण्यासाठी प्रेरणा मिळेल.”
आयपीएलच्या आणखी महत्त्वाच्या बातम्या
रोहित शर्माच्या विकेटने एवढा 'राडा' झाला की ब्रॉडकास्टरला द्यावे लागले स्पष्टिकरण
CSKची मॅच पाहायला आला २०४०चा धोनी? Video व्हायरल होताच रंगली जोरदार चर्चा
मुंबईच्या खेळाडूने झेल सोडताच अनुष्का शर्माचा आनंद गगनात मावेना, रिअँक्शन झाली व्हायरल
जागतिक स्तरावर, कर्करोग हे मृत्यूचे दुसरे सर्वात सामान्य कारण आहे. २०२० मध्ये अंदाजे ९.९ दशलक्ष मृत्यू कॅन्समुळे झाले. गेल्या दशकात जगभरात कर्करोगाच्या घटनांमध्ये २६ टक्क्यांनी वाढ झाली, तर कर्करोगाशी संबंधित मृत्यूंमध्ये २१ टक्क्यांनी वाढ झाली. भारतात, नऊपैकी एका व्यक्तीला कर्करोग होण्याची शक्यता असते.