IPL 2023, Lucknow Super Giants Vs Sunrisers Hyderabad Live : इंडियन प्रीमिअर लीग २०२३ मध्ये आज विजयी लय मिळवण्यासाठी लखनौ सुपर जायंट्स आणि सनरायझर्स हैदराबाद मैदानावर उतरणार आहेत. SRHकडून पहिल्या सामन्यात भुवनेश्वर कुमारने नेतृत्व सांभाळले होते आणि त्या सामन्यात त्यांची हार झाली होती. पण, आजच्या सामन्यात भुवीच्या जागी कुणी दुसराच कर्णधार टॉससाठी आला. SRH ने नाणेफेक जिंकून प्रथम फलंदाजी करण्याचा निर्णय घेतला आहे.
तुफान फॉर्मात असलेला एडन मार्कराम ( Aiden Markram) SRHच्या ताफ्यात परतल्यामुळे LSG ची डोकेदुखी वाढण्याची शक्यता आहे. मार्करामचा फॉर्म हा प्रतिस्पर्धींच्या मनात धडकी भरवणारा आहे आणि आज तो SRHचे नेतृत्व करणार आहे. आयपीएल २०२३ ला सुरूवात होण्यापूर्वीच SRH ने मार्करामची कर्णधारपदी नियुक्ती केली होती. पण, नेदरलँड्सविरुद्धच्या वन डे मालिकेमुळे आफ्रिकेचा हा फलंदाज पहिल्या सामन्यात खेळला नव्हता आणि भुवनेश्वर कुमारने नेतृत्व सांभाळले होते.एडन मार्करामने एकूण १०७ ट्वेंटी-२० सामन्यांत २७७० धावा आणि २६ विकेट्स घेतल्या आहेत.
एडन मार्करामने मागील काही महिन्यांत सातत्यपूर्ण कामगिरी करून दाखवली आहे. त्याने द. आफ्रिकेच्या ट्वेंटी-२० संघाचे नेतृत्व केले. ट्वेंटी-२०त पहिले शतक झळकावले. दक्षिण आफ्रिका ट्वेंटी-२० लीगमध्ये हैदराबादच्या फ्रँचायझीला जेतेपद मिळवून दिले. कसोटी संघात पुनरागमन करताना शतकी खेळी केली आणि आज वन डेतील पहिले शतक झळकावले.
Web Title: IPL 2023, LSG vs SRH Live : Sunrisers Hyderabad change 'captain' in second match; Look who came for the 'toss' at Bhuvi's place, SRH won the toss and decided to bat first
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
