Mumbai Indians, Avli Lavli Kohli: IPL 2023 मध्ये आज मुंबई इंडियन्स आणि चेन्नई सुपर किंग्ज यांच्यात आजचा सामना रंगणार आहे. मुंबई इंडियन्सच्या बाबतीत अकथित आणि नको असलेली परंपरा पूर्ण झाली आहे. हंगामातील पहिला सामना मुंबईने गमावला. आता घरी परतण्याची वेळ आली आहे. घरच्या मैदानावरच नव्हे तर स्पर्धेतही पुनरागमन करण्याची वेळ आली आहे. फक्त वेळच नाही तर गरजही आहे, कारण सर्वात मोठा विरोधक आज त्यांच्यासमोर आहे. मुंबईतील वानखेडे स्टेडियमवर आज आयपीएलच्या इतिहासातील दोन सर्वात यशस्वी आणि सर्वात मोठ्या प्रतिस्पर्धी संघांमध्ये सामना होत आहे. या मोसमातील हा सामना मुंबई इंडियन्स आणि चेन्नई सुपर किंग्ज यांच्यात वानखेडेवर खेळला जाणार आहे. पण त्याआधी मुंबई इंडियन्सच्या एका भन्नाट ट्विटने साऱ्यांचे लक्ष वेधून घेतले आहे. महाराष्ट्राची हास्यजत्रा (Maharashtrachi Hasyajatra) मधील कोहली फॅमिलीबद्दलचं हे ट्विट आहे. त्यामुळेच याची चर्चा आहे.
मुंबई इंडियन्स आणि 'रायली' अवली कोहली!
‘महाराष्ट्राची हास्यजत्रा’मधली गाजलेली फॅमिली म्हणजे कोहली फॅमिली. या फॅमिलीची महाराष्ट्रभर चर्चा आहे. जिकडे तिकडे अवली लवली कोहली गाण्यावर रील्स दिसत आहेत. अगदी डान्स मास्टर रेमो डिसूजा यानेही या गाण्यावर तुफान डान्स केला आणि त्याचा व्हिडिओ सोशल मीडियावर व्हायरल झाला. पण आता या फॅमिलीची प्रसिद्धी सातासमुद्रापार गेल्याचं दिसतंय. मुंबई इंडियन्सकडून खेळणारा ऑस्ट्रेलियाचा रायली मेरेडिथ याने या गाण्यावर रील बनवलं आहे आणि त्याची चांगलीच चर्चा आहे. रायली मेरेडिथ स्वत:ची ओळख करून देत असताना मी 'रायली अवली कोहली...' असं म्हणताना दिसतोय. त्याच्या या हटके रीलमुळे एका मराठी शो मधील चार जण काय कमाल घडवून आणू शकतात आणि सातासमुद्रापार पोहोचू शकतात हे यातून दिसतंय. पाहा व्हिडीओ-
दरम्यान, 'महाराष्ट्राची हास्यजत्रा' हा कार्यक्रम प्रेक्षकांमध्ये चांगलाच लोकप्रिय ठरतोय. त्यातच आजकाल कोणताही विषय घेत रील्स बनवले जातात आणि ते व्हायरल होतात. आता हास्यजत्रा मधल्या कोहली फॅमिलीचे रीलही सोशल मीडियावर सर्रास व्हायरल होत असतात. गेल्या काही दिवसांपासून सगळ्यांनाच या गाण्याने वेड लावलं आहे.
Web Title: IPL 2023 Mumbai Indians does famous Avali Lovely Kohli song Instagram reel the craze is never ending watch video of Marathi Show Maharashtrachi Hasyajatra
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
