IPL 2023, Punjab Kings vs Delhi Capitals Live Marathi : पंजाब किंग्सचा सलामीवीर प्रभसिमरन सिंगने आयपीएल २०२३ मधील शतक पूर्ण केले. यंदाच्या पर्वातील हे पाचवे शतक ठरले. त्याने ६१ चेंडूंत १०४ धावा करताना १० चौकार व ६ षटकार खेचले
प्ले ऑफच्या शर्यतीतून बाहेर पडलेला दिल्ली कॅपिटल्सचा संघ आता अन्य संघांचे गणित बिघडवण्यासाठी मैदानावर उतरणार आहे. पंजाब किंग्स १० गुणांसह अजूनही प्ले ऑफच्या शर्यतीत आहे, मागील दोन सामन्यांत त्यांना हार पत्करावी लागली आहे. त्यामुळे आजचा पराभव त्यांचाही Play Offs मधील प्रवास अडचणीचा बनवणारा ठरू शकतो. म्हणून PBKS आज पूर्ण ताकदीने मैदानावर उतरणार आहेत. DC ने नाणेफेक जिंकून प्रथम गोलंदाजीचा निर्णय घेतला आहे. इशांत शर्माने हा निर्णय योग्य ठरवताना पंजाबच्या शिखर धवन ( ७) आणि लिएम लिव्हिंगस्टोन ( ४) यांना ३२ धावांवर माघारी पाठवले. प्रभसिमरन सिंग एका बाजूने चांगली फटकेबाजी करत होता. फॉर्मात असलेल्या जितेश शर्माला ( ५) अक्षर पटेलने त्रिफळाचीत करून पंजाबला तिसरा धक्का दिला. ( इशांत शर्मा उडवला दांडा Video )
प्रभसिमरन आणि सॅम कुरन यांनी पंजाबच्या डावाला आकार देताना अर्धशतकीय भागीदारी पूर्ण केली, प्रभसिमरननेही ४२ चेंडूंत आयपीएलमधील दुसरे अर्धशतक झळकावले. प्रभसिमरनने चांगली फटकेबाजी करताना संघाला १३.१ षटकांत तिहेरी पल्ला गाठून दिला. ७२ धावांची ही भागीदारी प्रविण दुबेने कुरनला (२०) बाद करून तोडली. त्यानंतर आलेला हरप्रीत ब्रार २ धावांवर कुलदीपच्या गोलंदाजीवर बाद झाला. मात्र, प्रभसिमरन दणदणीत फटके खेचत होता आणि त्याने शतक पूर्ण केले.