IPL 2023, Punjab Kings vs Delhi Capitals Live Marathi : फलंदाजीसाठी अवघड असलेल्या खेळपट्टीवर प्रभसिमरन सिंगने ( PRABHSIMRAN SINGH ) शतक झळकावून पंजाब किंग्सला समाधानकारक पल्ला गाठून दिला. दिल्ली कॅपिटल्सच्या गोलंदाजांचा समाचार घेताना प्रभसिमरनने ६५ चेंडूंत १०३ धावा केल्या. हॅरी ब्रूक, वेंकटेश अय्यर, यशस्वी जैस्वाल आणि सूर्यकुमार यादव यांच्यानंतर आयपीएल २०२३ मध्ये शतक झळकावणारा तो पाचवा फलंदाज ठरला.
DC ने नाणेफेक जिंकून प्रथम गोलंदाजीचा निर्णय घेतला आहे. इशांत शर्माने हा निर्णय योग्य ठरवताना पंजाबच्या शिखर धवन ( ७) आणि लिएम लिव्हिंगस्टोन ( ४) यांना ३२ धावांवर माघारी पाठवले. प्रभसिमरन सिंग एका बाजूने चांगली फटकेबाजी करत होता. फॉर्मात असलेल्या जितेश शर्माला ( ५) अक्षर पटेलने त्रिफळाचीत केले. प्रभसिमरन आणि सॅम कुरन यांनी पंजाबच्या डावाला आकार दिला. ७२ धावांची ही भागीदारी प्रविण दुबेने कुरनला (२०) बाद करून तोडली. त्यानंतर आलेला हरप्रीत ब्रार २ धावांवर कुलदीपच्या गोलंदाजीवर बाद झाला. मात्र, प्रभसिमरन दणदणीत फटके खेचत होता आणि त्याने शतक पूर्ण केले. तो ६५ चेंडूंत १० चौकार व ६ षटकारांसह १०३ धावांवर सुपला शॉट मारण्याच्या प्रयत्नात मुकेश कुमारच्या गोलंदाजीवर त्रिफळाचीत झाला. ( प्रभसिमरन सिंगचा शतकी चौकार पाहा Video https://twitter.com/i/status/1657409836643127296)
सिकंदर रजा (११) व शाहरुख खान ( २) यांनी अखेरच्या षटकात पंजाबच्या धावसंख्येत भर घातली अन् सघाला ७ बाद १६७ धावा केल्या. खलिल अहमदने २०व्या षटकात १० धावा दिल्या.
Hundreds in this IPL 2023:
•Yashasvi Jaiswal - 124
•Venkatesh Iyer - 104
•Suryakumar Yadav - 103*
•Prabhsimran Singh - 103
•Harry Brook - 100
Web Title: IPL 2023, PBKS vs DC Live Marathi : PRABHSIMRAN SINGH scored 103 runs in 65 balls with 10 fours and 6 sixes; Punjab Kings 167/7, Extras - 13, Other PBKS batters - 51(55)
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
