IPL 2023, Qualifier 1 Chennai Super Kings vs Gujarat Titans Live Marathi : चेन्नई सुपर किंग्सच्या १७३ धावांच्या लक्ष्याचा पाठलाग करताना गुजरात टायटन्सची सुरुवात चांगली झाली नाही. वृद्धीमान साहा व हार्दिक पांड्या पॉवर प्लेमध्येच माघारी परतले. शुबमन गिल ( Shubman Gill) एकहाती खिंड लढवत होता, परंतु समोरून कोण उभाच राहिला नाही. त्यामुळे धावा वाढवण्याच्या प्रयत्नात तोही झेलबाद झाला. दरम्यान, रवींद्र जडेजाने ( Ravindra Jadeja) मोठा विक्रम नोंदवला.
ऋतुराज गायकवाड ( ६०) आणि डेव्हॉन कॉनवे ( ४०) यांनी ८७ धावांची भागीदारी करून चेन्नईला चांगली सुरुवात करून दिली. पण, ऋतुराजच्या विकेटनंतर गुजरातच्या गोलंदाजांनी सामन्यात पुनरागमन करताना शिवम दुबे, अजिंक्य रहाणे या फॉर्मात असलेल्या फलंदाजांना झटपट माघारी पाठवले. अंबाती रायुडू ( १७) व रवींद्र जडेजा ( २२) यांनी शेवटच्या षटकात सुरेख फटके मारताना ७ बाद १७२ धावांपर्यंत संघाला पोहोचवले. महेंद्रसिंग धोनी १८व्या षटकात आला आणि चेपॉकवर जल्लोष झाला, परंतु त्याला १ धावेवर माघारी जाताना पाहून स्मशान शांतता पसरली.
![]()
CSKच्या गोलंदाजांनी सुरुवातीला चांगला मारा केला. दीपक चहरने तिसऱ्या षटकात वृद्धीमान साहाला (१२) माघारी पाठवले. हार्दिक पांड्याला ( ८) महिष तीक्षणाने फिरकीवर फसवून माघारी पाठवले. पॉवर प्लेमध्ये गुजरातचे २ फलंदाज ४१ धावांवर माघारी परतले. तीक्षणा गोलंदाजी करत असल्याने GT ने श्रीलंकेच्या दासून शनाकाला फलंदाजीला पुढे पाठवले अन् त्याने श्रीलंका संघातील सहकाऱ्याला झोडले. धोनीने फिरकीपटूंचा मारा कायम ठेवून गुजरातवर दडपण निर्माण केले होते. रवींद्र जडेजाने ११व्या षटकात शनाकाला ( १७) बाद केले. ( CSK vs GT Live Scoreboard मराठीत)
शुबमन गिल आजही चमकला, विराटनंतर त्याने मोठा पराक्रम केला
ऋतुराज गायकवाडचा सोपा झेल, अम्पायरने केला 'गेम'; हार्दिक नशिबावर हसला
जडेजाची ही आयपीएलमधील १५०वी विकेट ठरली. १०००+धावा व १५० विकेट्स घेणारा तो आयपीएलमधील तिसरा ( ड्वेन ब्राव्हो व सुनील नरीन) गोलंदाज ठरला. तसेच आयपीएलमध्ये १५० विकेट्स घेणारा तो पहिलाच डावखुरा फिरकीपटू ठरला. ( पाहा रवींद्र जडेजाची विक्रमी विकेट ) गुजरातला ६० चेंडूंत १०१ धावा करायच्या होत्या. जडेजाने त्याच्या चौथ्या षटकात डेव्हिड मिलरचा ( ४) त्रिफळा उडवून गुजरातला मोठा धक्का दिला. त्याने ४-०-१८-२ अशी अप्रतिम स्पेल टाकली. धोनीने त्यानंतर चहरला पुन्हा गोलंदाजीला आणले अन् त्याने शुबमनची ( ४२) विकेट मिळवून दिली.
Web Title: IPL 2023, Qualifier 1 CSK vs GT Live Marathi : Ravindra Jadeja is the first left arm bowler to pick 150 wickets in IPL history, Shubman Gill dismissed for 42 in 38 balls.
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
