IPL 2023, Royal Challengers Bangalore vs Delhi Capitals Live :रॉयल चॅलेंजर्स बंगळुरू आणि दिल्ली कॅपिटल्स यांच्यातला सामना क्षणाक्षणाला कलाटणी घेताना दिसला. विराट कोहली आणि फॅफ ड्यू प्लेसिस यांच्या उल्लेखनीय कामगिरीनंतर DC ने सांघिक हॅटट्रिक साजरी करून मॅच फिरवली. महिपाल व मॅक्सवेल यांनीही झंझावाती फटकेबाजी केली अन् अखेरच्या षटकांत अनुज रावत व शाहबाज अहमद यांनी खिंड लढवताना DC समोर तगडे आव्हान उभे केले. RCB ने पहिल्या १३.५ षटकांत ३ बाद १३२ धावा केल्या आणि नंतर त्यांना ३७ चेंडूंत ४२ धावाच करता आल्या.
फॅफ ड्यू प्लेसिस व कोहली या दोघांनी ४.४ षटकांत ४२ धावा फलकावर चढवताना DC चे टेंशन वाढवले होते. पण, मिचेल मार्शच्या त्या षटकात अमन खानने अविश्वसनीय झेल घेऊन फॅफला ( २२) माघारी जाण्यास भाग पाडले. महिपाल आणि विराट यांनी खणखणीत फटके खेचले. या दोघांनी ३३ चेंडूंत ४७ धावा जोडल्या. विराटला ३४ चेंडूंत ६ चौकार व १षटकारांसह ५० धावांवर माघारी जावे लागले. महिपालची १८ चेंडूंत २६ धावांची खेळी मार्शने संपुष्टात आणली.
पाचव्या क्रमांकावर हर्षल पटेल फलंदाजीला आला अन् तो ६ धावांवर माघारी परतला. १४व्या षटकाच्या सहाव्या चेंडूवर हर्षल पटेल बाद झाला. त्यानंतर कुलदीप यादवने सलग दोन चेंडूंवर ग्लेन मॅक्सवेल ( २४) व दिनेश कार्तिक यांची विकेट घेतली. दिल्लीने आज टीम हॅटट्रिक साजरी केली. अनुज रावत ( १५) आणि शाहबाज अहमदने ( २०) RCBला सन्मानजनक पल्ला गाठून दिला. RCB ने ५ बाद १७४ धावा केल्या. कुलदीप व मार्शने प्रत्येकी दोन विकेट्स घेतल्या.
सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"