IPL 2023, Royal Challengers Bangalore vs Rajasthan Royals Live : विराट कोहलीच्या नेतृत्वाखाली खेळताना रॉयल चॅलेंजर्स बंगळुरूने आयपीएल २०२३ मध्ये सलग दुसरा विजय मिळवला. घरच्या मैदानावर झालेल्या लढतीत RCBने राजस्थान रॉयल्सवर ८ धावांनी विजय मिळवताना गुणतालिकेत आगेकूच केली. या सामन्यात विराट कोहलीने ( Virat Kohli) विक्रमी झेल घेतला अन् RCBकडून असा पराक्रम करणारा तो पहिला खेळाडू ठरला. यशस्वी जैस्वालची कॅच घेतल्यानंतर विराट अन् अनुष्का शर्मा ( Virat Kohli & Anushka Sharma) यांच्यातला रोमान्स पाहायला मिळाला.
फॅफ ड्यू प्लेसिस ( ६३) व ग्लेन मॅक्सवेल ( ७७) यांनी तिसऱ्या विकेटसाठी ६६ चेंडूंत १२६ धावांची भागीदारी केली. १५ षटकांत RCBच्या ४ बाद १५६ धावा झाल्या होत्या आणि त्यानंतर RCBच्या अन्य फलंदाजांना ५ षटकांत ३३ धावाच करता आल्या. RCBने ५ फलंदाज गमावले. बोल्टने ४१ धावांत २, अश्विनने ३६ धावांत १ विकेट घेतली. RCBला जेमतेम ६ बाद १८९ धावांपर्यंत पोहोचता आले.RRची सुरुवातही यजमानांसारखी झाली. मोहम्मद सिराजने पहिल्याच षटकात RRचा ओपनर जॉस बटलरचा त्रिफळा उडवला. पण, यशस्वी जैस्वाल ( ४७) व लोकल बॉय देवदत्त पडिक्कल ( ५२) यांनी दुसऱ्या विकेटसाठी ९८ धावा जोडल्या.
सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"