IPL 2023, Sunrisers Hyderabad vs Delhi Capitals Live : अभिषेक शर्माने सनरायझर्स हैदराबादसाठी आज उल्लेखनीय खेळी केली. दिल्ली कॅपिटल्सच्या गोलदाजांना त्याने सतावले होते. अभिषेकला अन्य सहकाऱ्यांची साथ न मिळाल्याने SRH ला मोठं लक्ष्य उभं करता आले नाही. DCचा अष्टपैलू खेळाडू मिचेल मार्शने उल्लेखनीय गोलंदाजी करताना ४-१-२७-४ अशी स्पेल टाकली.
प्ले ऑफच्या शर्यतीत एकाच नौकेवर स्वार असलेल्या सनरायझर्स हैदराबाद आणि दिल्ली कॅपिटल्स यांना आता प्रत्येक सामना जिंकणे भाग आहे. या दोन्ही संघाना ७ पैकी २ विजय मिळवता आले आहेत. SRH ने नाणेफेक जिंकून प्रथम फलंदाजीचा निर्णय घेतला. मयांक अग्रवाल ( ५) व राहुल त्रिपाठी ( १०) यांनी अपयशाची मालिका कायम राखली आणि दिल्लीचे गोलंदाज इशांत शर्मा व मिचेल मार्श यांनी त्यांची विकेट घेतली. सलामीला आलेल्या अभिषेक वर्माने नेत्रदिपक फटके मारले आणि २५ चेंडूंत अर्धशतक झळकावले. कर्णधार एडन मार्करामकडून ( ८) चांगल्या खेळीची अपेक्षा होती, परंतु मार्शने त्याचीही विकेट घेतली. त्याच षटकात हॅरी ब्रुक भोपळ्यावर माघारी परतल्याने SRHची अवस्था ४ बाद ८३ धावा अशी झाली.
अक्षर पटेलने दिल्लीला मोठं यश मिळवून देताना अभिषेकची विकेट मिळवून दिली. अभिषेकने ३६ चेंडूंत १२ चौकार व १ षटकारांसह ६७ धावा केल्या. अब्दुल समद व हेनरिच क्लासेन यांनी अखेरच्या षटकांत चांगली फटकेबाजी केली. मिचेल मार्शने SRHचं कंबरडं मोडलं. अब्दुल समदला २८ धावांवर त्याने बाद केले. क्लासेनने २७ चेंडूंत ५३ धावा केल्या. त्याने २ चौकार व ४ षटकार खेचले. अकिल होसेनने नाबाद १६ धावा करताना हैदराबादला ६ बाद १९७ धावांवर पोहोचवले.
Web Title: IPL 2023, SRH vs DC Live : Sunrisers Hyderabad post the total of 196/6 in 20 overs against Delhi Capitals. Abhishek Sharma scored 67 & Klaasen scored 53* runs for SRH.
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
