IPL 2024 CSK vs RR Live Match Updates In Marathi | चेन्नई : आयपीएल २०२४ चा हंगाम आता अंतिम टप्प्यात आला आहे. प्ले ऑफच्या शर्यतीत जागा मिळवण्यासाठी गुणतालिकेतील आघाडीच्या संघांमध्ये चुरस पाहायला मिळत आहे. आज आयपीएलच्या सतराव्या हंगामातील ६१ व्या सामन्यात चेन्नई सुपर किंग्स आणि राजस्थान रॉयल्स हे संघ भिडत आहेत. दोन्हीही संघांना विजय अत्यंत महत्त्वाचा असून, या सामन्यावर इतर संघांचे देखील गणित अवलंबून असणार आहे. आजच्या सामन्यासाठी राजस्थान रॉयल्सने नाणेफेक जिंकून प्रथम फलंदाजीचा निर्णय घेतला आहे. (IPL 2024 News)
राजस्थानचा संघ गुणतालिकेत दुसऱ्या तर चेन्नई चौथ्या स्थानावर आहे. एक संघ अव्वल स्थान गाठण्यासाठी तर दुसरा संघ तिसऱ्या स्थानी पोहोचण्यासाठी लढत आहे. चेन्नईच्या एम चिदंबरम स्टेडियमवर आजचा सामना होत आहे. आज चेन्नईच्या फलंदाजीच्या क्रमात बदल पाहायला मिळणार आहे. कर्णधार ऋतुराज गायकवाड आणि रचिन रवींद्र डावाची सुरुवात करतील. मिचेल सँटनरच्या जागी थिक्क्ष्णाला संधी मिळाली आहे, तर डेरिल मिचेल तिसऱ्या क्रमांकावर दिसेल.
चेन्नईचा संघ -ऋतुराज गायकवाड (कर्णधार), रचिन रवींद्र, डेरिल मिचेल, मोईन अली, शिवम दुबे, रवींद्र जडेजा, महेंद्रसिंग धोनी, शार्दुल ठाकूर, तुषार देशपांडे, सिमरनजीत सिंह, महेश तीक्ष्णा.
राजस्थानचा संघ -संजू सॅमसन (कर्णधार), यशस्वी जैस्वाल, जोस बटलर, रियान पराग, शुभम दुबे, ध्रुव जुरेल, आर अश्विन, ट्रेन्ट बोल्ट, आवेश खान, संदीप शर्मा, युझवेंद्र चहल.