Shubman Gill Video, IPL 2024 Gujarat Titans vs Mumbai Indians: IPL 2024 मधील मुंबई इंडियन्सला सलामीच्या सामन्यात गुजरात टायटन्सकडून हार पत्करावी लागली. हार्दिकने गुजरातला सोडचिठ्ठी देत मुंबईचे नेतृत्व केले. परंतु, नव्याने कर्णधार झालेल्या शुबमन गिलच्या नेतृत्वाखाली गुजरातने मुंबईवर ६ धावांनी रोमहर्षक विजय मिळवला. गुजरातच्या संघाने प्रथम फलंदाजी करताना १६८ धावा केल्या. या आव्हानाचा पाठलाग करताना सामना शेवटच्या षटकापर्यंत रंगला, पण अखेर शुबमन गिलच्या गुजरातने मुंबईवर मात केली. कर्णधार म्हणून आपला पहिलाच सामना जिंकणाऱ्या शुबमन गिलला विजयानंतर आई-वडीलांकडून एक गोड 'सरप्राईज' मिळालं.
सामना जिंकून गुजरातचा संघ हॉटेलमध्ये पोहोचला तेव्हा शुबमनला सुखद धक्का बसला. त्याचे आई वडील हॉटेलमध्येच होते. शुबमन आपल्या आई वडीलांना पाहून एकदम खुश झाला. आई वडिलांनी आपल्या लेकाला जवळ घेत घट्ट मिठी मारली आणि विजयाच्या शुभेच्छा दिल्या. सर्वात आधी वडीलांनी शुबमनला मिठी मारली. त्यानंतर तो आपल्या आईकडे गेला आणि आईने त्याला मायेने जवळ घेतले. शुबमनची बहीण शहनील देखील सोबत होती. तिने आपल्या भावाचे कौतुक केले आणि इतर खेळाडूंचेही अभिनंदन केले.
दरम्यान, सामन्यात शुबमनला फार मोठी खेळी करता आली नाही. त्याने २२ चेंडूत ३१ धावा केल्या. पण साई सुदर्शनने मात्र सर्वाधिक ४५ धावा केल्या. राहुल तेवातियानेही १५ चेंडूत २२ धावा केले. जसप्रीत बुमराहने १४ धावांत ३ बळी टिपले. १६८ धावांचा पाठलाग करताना डेवाल्ड ब्रेव्हिसने ४६ तर रोहित शर्माने ४३ धावा केल्या. पण दोघांचीही अर्धशतके हुकली. तिलक वर्माने २५ धावा करत संघाला विजय मिळवून देण्यासाठी प्रयत्न केले. पण अखेर मुंबईला ६ धावांनी पराभव स्वीकारावा लागला.
Web Title: IPL 2024 GT vs MI Live Shubman Gill gets warm hug from father kiss from mother after Gujarat Titans beat Mumbai Indians Video Viral
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
