IPL 2024 KKR vs SRH, Qualifier 1 Live Marathi : इंडियन प्रीमिअर लीग २०२४ चा पहिला फायनलिस्ट संघ आज आपल्याला मिळणार आहे. कोलकाता नाईटर रायडर्स विरुद्ध सनरायझर्स हैदराबाद यांच्यातला Qualifier 1 सामना अहमदाबादच्या नरेंद्र मोदी स्टेडियमवर खेळवला जाणार आहे. दोन्ही संघाचा फॉर्म पाहता कोणता संघ बाजी मारेल याचा अंदाज आताच बांधणे अवघड आहे. KKR ने २० गुणांसह अव्वल स्थान पटकावले आहे, तर SRH १७ गुणांसह नेट रन रेटच्या जोरावर क्वालिफायर १ मध्ये पोहोचले आहेत. SRH चा कर्णधार पॅट कमिन्स याने नाणेफेक जिंकून KKR समोर तगडे लक्ष्य ठेवण्याचा निर्णय घेतला.
गेल्या काही दिवसांतील देशातील हवामान पाहता, याही सामन्यावर पावसाचे सावट होते. पण, वेळेत नाणेफेक झाल्याने चाहते आनंदित झाले. KKR च्या क्वालिफायर १ मध्ये विजयाची टक्केवारी ही १०० % आहे. त्यांनी २०१२ मध्ये दिल्ली कॅपिटल्सवर १८ धावांनी, तर २०१४ मध्ये पंजाब किंग्सवर २८ धावांनी विजय मिळवला होता. पण, प्ले ऑफमध्ये हे संघ तीनवेळा समोरासमोर आले होते आणि त्यापैकी दोनवेळा ( एलिमिनेटर, २०१६ व क्वालिफायर २, २०१८) हैदराबादने बाजी मारली आहे.