IPL 2024 : Rajasthan Royals vs Gujarat Titans Live Marathi : इंडियन प्रीमिअर लीग २०२४ मध्ये अपराजित राजस्थान रॉयल्सला रोखण्यासाठी गुजरात टायटन्सने कंबर कसली आहे. सलग ४ सामने जिंकून संजू सॅमसनचा RR संघ गुणतालिकेत अव्वल स्थानावर आहे, तेच शुबमन गिलचा GT संघ पाचपैकी २ विजयासह सातव्या स्थानावर आहे. पण, सामना सुरू होण्यापूर्वीच विघ्न आले आहे आणि चाहते ते दूर होण्याची प्रतीक्षा करत आहेत.
जॉस बटलर याचा मोहित शर्माविरुद्धच्या स्ट्राईक रेट २०६.६६ इतका आहे आणि तो केवळ ३ वेळाच मोहितच्या गोलंदाजीवर बाद झाला आहे. राशिद खानच्या गोलंदाजीसमोर संजूनेही १३ आयपीएल इनिंग्जमध्ये ९६ चेंडूंत १११ धावा केल्या आहेत व एकदाच बाद झाला आहे. आर अश्विनला एकदाही गिलला बाद करता आलेले नाही. सात इनिंग्जमध्ये त्याने टाकलेल्या ५८ चेंडूंत गिलने ९५ धावा चोपल्या आहेत. आयपीएलमध्ये २०० विकेट पूर्ण करणारा पहिला गोलंदाज होण्यासाठी युझवेंद्र चहलला पाच विकेट्सची आवश्यकता आहे. पण, टायटन्सचा ४-१ असा रॉयल विरुद्ध जय पराजयाचा विक्रम आहे.
दरम्यान, जयपूरमध्ये अचानक पाऊस सुरू झाल्याने खेळपट्टी कव्हर केली गेली आहे. हाती आलेल्या वृत्तानुसार ७.२५ ला टॉस होणार आहे आणि ७.४० ला मॅच सुरू होईल.
Web Title: IPL 2024 : Rajasthan Royals vs Gujarat Titans Live Marathi : it is drizzling in Jaipur. No word yet on whether that has affected when the toss takes place, but this is unexpected
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
