IPL 2024, RR vs KKR Live Marathi : राजस्थान रॉयल्स आणि कोलकाता नाईट रायडर्स यांच्या लढतीत पावसाने व्यत्यय आणला आहे. पावणे नऊ वाजता पावसाने विश्रांती घेतल्यानंतर मैदानावरील कव्हर्स हटवण्यात आले होते, परंतु काहीवेळातच पुन्हा वीजांच्या कडकडाटासह पावसाने पुन्हा हजेरी लावली. १०.१५ वाजता कव्हर्स काढून मैदान सुकवण्याचं काम सुरू झालं. १०.२५ ला खेळपट्टीची पाहणी केली गेली. KKR ने टॉस जिंकून प्रथम गोलंदाजीचा निर्णय घेतला. 7-7 षटकांचा हा सामना होणार आहे आणि १०.४५ ला मॅच सुरू होईल. तीन गोलंदाज प्रत्येकी २ षटकं टाकू शकतात आणि २ षटकांचा पॉवर प्ले असणार आहे. पण, १०.४० ला पुन्हा पावसाची सुरुवात झाली.
RR ला क्वालिफायर १ मध्ये जागा पक्की करण्यासाठी हा सामना जिंकणे गरजेचे आहे. तेच KKR ने १९ गुणांसह क्वालिफायर १मधील जागा पक्की केली आहे. SRH ने त्यांचा शेवटचा साखळी सामना जिंकून १७ गुणांसह दुसऱ्या स्थानी झेप घेतली आहे आणि RR वरील दडपण वाढवले आहे. गुवाहाटी येथे KKR vs RR सामना होणार आहे, परंतु पावसामुळे ७.३० वाजता सुरू होणारी मॅच तास उलटूनही सुरू झालेली नाही. गुवाहाटी येथे मुसळधार पाऊस पडतोय आणि संपूर्ण स्टेडियम झाकलं गेलं आहे. पहिल्या ८ सामन्यांत ७ विजय मिळवून राजस्थानने लीगची सुरुवात दणक्यात केली होती, परंतु मागील चार सामन्यांत त्यांना हार पत्करावी लागली आणि त्यांची गाडी अडकली. १३ सामन्यांत ८ विजय मिळवून १६ गुणांसह ते तिसऱ्या क्रमांकावर आहेत.
Web Title: IPL 2024, RR vs KKR Live Marathi : KKR WON THE TOSS & DECIDED TO BOWL FIRST, 7 overs game, match start on 10.45 pm
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
