Rahul Tripathi IPL Auction 2022: स्पर्धेसाठी सुरू असलेल्या दोन दिवसीय ऑक्शनमध्ये धडाकेबाज खेळाडू राहुल त्रिपाठीवर तगडी बोली लागली. आधी कोलकाताच्या संघात असलेल्या राहुल त्रिपाठीवर सनरायजर्स हैदराबाद संघाने जोरदार बोली लावली. KKR साठी दमदार सलामी आणि वेळप्रसंगी मधल्या फळीत आपला धडाका दाखवत राहुल त्रिपाठीने आपली उपयुक्तता दाखवून दिली होती. त्यानंतरही KKR ने त्याला करारमुक्त केलं. पण सनरायजर्स हैदराबादने मात्र त्याच्यावर कोटींची बोली लावत त्याला आपल्या ताफ्यात सामील करून घेतले. त्याच्यावर तब्बल साडे आठ कोटींची बोली लावण्यात आली. IPL Auction 2022 Live Updates
राहुल त्रिपाठीची IPL कामगिरी़ - राहुल त्रिपाठीने २०१७ मध्ये IPL पदार्पण करत कोलकाता संघासाठी दमदार कामगिरी केली. त्याने १७ सामन्यांमध्ये ३९७ धावा केल्या. प्रत्येक हंगामात राहुल त्रिपाठीची सर्वोत्तम कामगिरी ही अर्धशतकापेक्षा जास्तच होती. २०१७च्या हंगामात त्याने सर्वोत्तम ९३ धावांची खेळी केली होती. तर गेल्या हंगामातही त्याची सर्वोत्तम खेळी नाबाद ७४ धावांची होती. पण मेगा लिलावाआधी त्याला करारमुक्त करण्यात आले होते. अखेर हैदराबाद त्याचं खरं मूल्य ओळखत साडे आठ कोटींची रक्कम दिली.