Indian Premier League Players Mega Auction 2022 Live Updates : इंडियन प्रीमिअर लीगच्या १५ व्या पर्वात रॉयल चॅलेंजर्स बंगळुरू, कोलकाता नाईट रायडर्स आणि पंजाब किंग्स हे संघ कर्णधाराच्या शोधात आहेत. त्यामुळे आजच्या लिलावात श्रेयस अय्यर, इशान किशन यांच्यासाठी चढाओढ रंगणे अपेक्षित होते. श्रेयस अय्यरसाठी RCB vs KKR असा सामना रंगलेला पाहायला मिळाला. आयपीएल लिलावात सर्वात प्रथम दुहेरी आकडा गाठण्य़ाचा मान श्रेयसल मिळाला. कोलकाता नाइट रायडर्सने त्याला १२.२५ कोटींत आपल्या ताफ्यात घेतले. IPL Auction 2022 Live Updates
श्रेयसने नुकत्याच झालेल्या वेस्ट इंडिजविरुद्धच्या तिसऱ्या वन डे सामन्यात ८० धावांची खेळी करून मॅन ऑफ दी मॅचचा पुरस्कार पटकावला. त्याच्या नेतृत्वाखाली दिल्ली कॅपिटल्सने २०२०मध्ये आयपीएल फायनलपर्यंत धडक मारली होती आणि त्यामुळे भावी कर्णधार म्हणून त्याच्यावर गुंतवणूक करणे कोणत्याही फ्रँचायझीच्या फायद्याचे ठरले असते. यात कोलकाताने बाजी मारली आणि KKRची सह मालकिण जुही चावला हिची कन्या जान्हवी हिच्या चेहऱ्यावरची कळी खुलली...
कागिसो रबाडासाठी पंजाब किंग्सने ९.२५ कोटी मोजले आणि आता दिल्ली कॅपिटल्सचे हे माजी सहकारी पुन्हा एकत्र खेळताना दिसणार आहेत. पंजाब किंग्सने ८.२५ कोटींत शिखर धवनला आपल्या ताफ्यात घेतले आहे. राजस्थान रॉयल्सने आर अश्विनसाठी ५ कोटी मोजले. कोलकाता नाइट रायडर्सने कमाल केली. २०२० मध्ये सर्वाधिक १५.५० कोटी मोजले होते आणि त्याला पुन्हा त्यांनी आपल्या ताफ्यात घेतले, परंतु निम्म्या किंमतीत... KKRने ७.२५ कोटींत पॅट कमिन्सला पुन्हा ताफ्यात घेतले. कमिन्सने आयपीएलमध्ये ३७ सामन्यांत ३८ विकेट्स घेतल्या आहेत.
शिखर धवन पंजाब किंग्सकडे...
सर्वात प्रथम बोली शिखर धवनवर लागली ( Shikhar Dhawan)... सुरूवातीला त्याच्यावर कोणीच बोली लावण्यास तयार नव्हते, परंतु रॉयल चॅलेंजर्स बंगळुरूने ( RCB) शेवटच्या क्षणाला बोली लावण्यास सुरूवात केली. त्यानंतर दिल्ली कॅपिटल्स, पंजाब किंग्स मैदानावर उतरले... दोन कोटी बेस प्राईज असलेल्या शिखरसाठी पंजाब किंग्सने ८ कोटी २५ लाख रुपये मोजले. मयांक अग्रवालसह तो आता पंजाब किंग्सकडून सलामीला खेळताना दिसेल. शिखर धवनने आयपीएलच्या १९२ सामन्यांत ५७८४ धावा केल्या आहेत. त्याने २ शतकं व ४४ अर्धशतकं झळकावली आहेत.
६०० खेळाडूंपैकी २१७ खेळाडूंना लागणार लॉटरी...
इंडियन प्रीमिअर लीगच्या १५ व्या पर्वासाठीच्या मेगा ऑक्शनची प्रतीक्षा संपली आहे. आयपीएल २०२२ ऑक्शनला सुरुवात झाली आहे. ५९० खेळाडूंनी आयपीएल लिलावात नावं नोंदवली आहेत. त्यात २०३ गोलंदाज, १०२ फलंदाज, २२७ अष्टपैलू आणि ५८ यष्टिरक्षकांचा समावेश आहे. त्यात काल १० खेळाडूंची भर पडल्याने आता १० संघ ६०० खेळाडूंवर बोली लावणार आहेत. यापैकी आज ९८ खेळाडूंवर बोली लावली जाईल आणि Marquee खेळाडूंपासून सुरुवात झाली. दोन दिवसांच्या या लिलावात ६०० पैकी २१७ खेळाडूंचे नशीब चमकणार आहे.
Web Title: IPL Auction 2022 Live Updates : Shreyas Iyer to play for Kolkata Knight Riders in IPL 2022 at a whopping 12.25cr.
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
