इंडियन प्रीमिअर लीगमध्ये ( IPL 2020) कोलकाता नाईट रायडर्स ( Kolkata Knight Riders) संघाला सातत्यपूर्ण कामगिरी करण्यात अपयश येत आहे. दिल्ल कॅपिटल्सविरुद्धच्या सामन्यात सहज विजय मिळवणाऱ्या KKRला मागच्या सामन्यात किंग्स इलेव्हन पंजाबकडून मानहानिकारक पराभव पत्करावा लागला. या पराभवामुळे त्यांची पाचव्या स्थानावर घसरण झाली. त्यामुळे प्ले ऑफच्या शर्यतीत कायम राहण्यासाठी त्यांना आता उर्वरित दोन सामने जिंकावे लागतील.
KKRच्या निराशाजनक कामगिरीवर क्रिकेट चाहत्यानं सहमालक व बॉलिवूड सुपरस्टार शाहरुख खान याला प्रश्न विचारला आणि त्यावर किंग खाननं भन्नाट उत्तर दिलं. नेटिझन्सने विचारलं की,''यंदा कोलकाता नाईट रायडर्स जिंकणार का, तुम्हाला काय वाटतं?; KKRचा संघ क्रिकेट नाही,तर चाहत्यांच्या भावनांशी खेळत आहेत.''
त्यावर शाहरुख म्हणाला, माझा विचार करा... माझ्या मनावर काय घालमेल सुरूय!!