कोरोना व्हायरसमुळे आंतरराष्ट्रीय क्रिकेट स्पर्धा स्थगित कराव्या लागल्या. पण, 8 जुलैपासून इंग्लंड-वेस्ट इंडिज मालिकेतून पुन्हा आंतरराष्ट्रीय क्रिकेटला सुरुवात होत आहे. कसोटी मालिकेसाठी वेस्ट इंडिजचे खेळाडू इंग्लंडमध्ये दाखल झाले आहेत. मालिकेपूर्वी दोन्ही आपापल्या खेळाडूंची दोन गटात विभागणी करून सराव सामना खेळत आहेत. कोरोना व्हायरसमुळे क्रिकेटमधील अनेक नियम बदलले आणि आता सेलिब्रेशनवरही अंकुश आणले आहे. इंग्लंडच्या खेळाडूंच्या सराव सामन्यात त्याची प्रचिती आली.
एजीस बाऊल येथी टीम बटलर आणि टीम स्टोक्स यांच्यात तीन दिवसांचा सराव सामना सुरु आहे. इंग्लंडचा गोलंदाज जेम्स अँडरसननं टीम स्टोक्सचे प्रतिनिधित्व करताना दोन विकेट्स घेतल्या. अँडरसननं या विकेट्सचे सेलिब्रेशन सोशल डिस्टन्सिंगच्या नियमांचे पालन करून केले.
पाहा व्हिडीओ..