Jonny Bairstow Yuzvendra Chahal, IPL 2022 PBKS vs RR Live : जॉनी बेअरस्टोचे दमदार अर्धशतक आणि जितेष शर्मा-लियम लिव्हिंगस्टोन जोडीचा फिनिशिंग टच याच्या बळावर पंजाबने २० षटकांत ५ गड्यांच्या मोबदल्यात १८९ धावा केल्या. गेल्या काही सामन्यांत फॉर्मशी झगडणाऱ्या जॉनी बेअरस्टोने ४० चेंडूत ५६ धावांची खेळी केली आणि राजस्थानच्या संघाला १९० धावांचे आव्हान दिले. युजवेंद्र चहलने ४ षटकांत २८ धावा देत ३ बळी टिपले.
टॉस जिंकून पंजाबने प्रथम फलंदाजीचा निर्णय घेतला. जॉनी बेअरस्टो आणि शिखर धवन यांनी चांगली सुरूवात केली. राजपक्षेने २ चौकार व २ षटकार खेचत २७ धावा केल्या. तर मयंक अग्रवाल १५ धावांवर बाद झाला. त्यानंतर जितेश शर्माने नाबाद राहत १८ चेंडूत ४ चौकार आणि २ षटकारांच्या मदतीने ३८ धावा कुटल्या. लिव्हिंगस्टोननेदेखील १४ चेंडूत २२ धावा करत संघाला १८९ धावांपर्यंत मजल मारून दिली.
राजस्थानच्या गोलंदाजीमध्ये युजवेंद्र चहलने चांगली कामगिरी केली. त्याने २८ धावा देत ३ बळी घेतले. प्रसिध कृष्ण आणि कुलदीप सेन यांची गोलंदाजी महागात पडली. त्याने अनुक्रमे ४८ धावांत २ आणि ४२ धावांत दोन बळी घेतले. तर ट्रेंट बोल्टने ३६ धावांमध्ये १ बळी टिपला.