Gautam Gambhir KKR Fan Emotional Moment Video: भारतात एमएस धोनीची लोकप्रियता किती आहे हे आयपीएल सामन्यांदरम्यान स्टेडियममध्ये जमलेल्या प्रेक्षकांवरून कळू शकते. विराट कोहलीचाही एक वेगळा मोठा चाहतावर्ग आहे. पण, धोनी आणि विराट व्यतिरिक्त गौतम गंभीरनेही चाहत्यांच्या हृदयात स्थान निर्माण केले आहे. KKR समर्थक गौतम गंभीरला खूप मानतात. IPL मध्ये गंभीरने कोलकाता नाईट रायडर्सला दोनदा आयपीएल चॅम्पियन बनवले आहे. सध्यादेखील IPL 2024 मध्ये गंभीर हा KKR चा मेंटॉर आहे आणि त्यांचा संघ गुणतालिकेत अव्वल आहे. याचदरम्यान गौतम गंभीरच्या एका चाहत्याचा सध्या एक व्हिडीओ व्हायरल होतोय.
गंभीर आला आणि यंदा KKRची कामगिरी सुधारली. सोशल मीडियावर एक व्हिडिओ व्हायरल होत आहे, जो केकेआरने देखील शेअर केला आहे. त्यामध्ये एक चाहता गंभीरला आता संघ सोडू नका असे सांगत आहे. तुम्ही गेलात तर संघाला खूप त्रास होतो, असेही म्हणताना दिसत आहे. बंगालीमध्ये गायलेल्या गाण्यांद्वारे केकेआरसाठी गौतम गंभीरचे महत्त्व त्या चाहत्याने सांगितले आहे. तसेच, तू आमच्या हृदयात राहतोस, आम्ही तुम्हाला कधीही सोडून जाऊ देणार नाही, असेही सांगताना दिसतो.
व्हिडिओमध्ये तुम्ही पाहू शकता की, गौतम गंभीरबद्दल बोलत असताना केकेआरच्या चाहत्याच्या डोळ्यात अश्रू होते. तो रडत होता. त्याने शेवटी हातही जोडले. त्याच्यासोबत केकेआरचे इतर अनेक चाहतेही तिथे उपस्थित होते. या सर्वांनी गौतम गंभीरला असेही सांगितले की त्याने पुन्हा कधीही केकेआर सोडू नये अशी त्यांची इच्छा आहे.
Web Title: KKR Fan crying and requesting not to leave Gautam Gambhir gets emotional watch video
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
