Major League Cricket 2023 - अमेरिकेत सुरू असलेल्या मेजर लीग क्रिकेटमध्ये मुंबई इंडियन्स न्यू यॉर्क संघाने काल लॉस अँजलिस नाइट रायडर्सवर १०५ धावांनी विजय मिळवला. MINYच्या ८ बाद १५५ धावांचा पाठलाग करताना LAKRचा संपूर्ण संघ ५० धावांत तंबूत परतला. टीम डेव्हिडने पुन्हा एकदा आपल्या फकटेबाजीने चाहत्यांना खूश केले. त्याने २१ चेंडूंत ४ चौकार व ४ खणखणीत षटकार खेचून नाबाद ४८ धावा चोपल्या. त्यानंतर मुंबई इंडियन्सच्या गोलंदाजांनी कमाल केली.
प्रथम फलंदाजी करताना मुंबई इंडियन्स न्यू यॉर्कचे ४ फलंदाज ५४ धावांत माघारी परतले. कोर्ने ड्रायने सुरुवातीला दोन धक्के दिले. निकोलस पूरन ( ३८) याने डाव सावरण्याचा प्रयत्न केला, परंतु अली खानने त्याला माघारी पाठवले. अडचणीत सापडलेल्या मुंबई इंडियन्स न्यू यॉर्कच्या मदतीला टीम डेव्हिड आला अन् त्याने २१ चेंडूंत नाबाद ४८ धावा करून संघाला ८ बाद १५५ धावांपर्यंत पोहोचवले. मुंबई इंडियन्सच्या धावसंख्येत २३ अतिरिक्त धावांचा समावेश आहे.
ट्रेंट बोल्ट, कागिसो रबाडा, किरॉन पोलार्ड, एहसान अदील आणि नॉस्तूश केंजिग या गोलंदाजांनी नाइट रायडर्सचे कंबरडे मोडले. या पाचही गोलंदाजांनी प्रत्येकी २ विकेट्स घेत नाइट रायडर्सचा संपूर्ण संघ १३.५ षटकांत ५० धावांत माघारी पाठवला. आंद्रे रसेल २ धावांवर माघारी परतला. उन्मुक्त चंद हा सर्वाधिक २६ धावा करणारा फलंदाज ठरला. उन्मुक्त वगळता नाइट रायडर्सच्या एकाही फलंदाजाला दुहेरी धावसंख्या गाठता आली नाही.
Web Title: Major League Cricket 2023, LA Knight Riders vs MI New York : MINY defended 155 by bowling LAKR out for 50 and won the contest by 105 runs.
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
