दारुण पराभवास स्मिथ जबाबदार, मेथ्यू हेडननं सांगितलं गणित

रोहितचा झेल घेण्याची संधी खूपच कठीण होती तर दिवसाच्या शेवटच्या दुसऱ्या चेंडूवर जडेजाचा झेलही कमी-अधिक प्रमाणात आरामदायी होता

लाेकमत न्यूज नेटवर्क
नागपूर : पहिल्या कसोटी सामन्याच्या दुसऱ्या दिवशी स्टीव्ह स्मिथ याने रोहित शर्मा आणि रवींद्र जडेजाचे झेल सोडले. त्यानंतर ऑस्ट्रेलियाचा माजी सलामीवीर मॅथ्यू हेडनने स्टीव्ह स्मिथच्या स्लिप क्षेत्ररक्षणावर टीका केली. ‘स्मिथमुळे अपमानास्पद पराभवास सामोरे जाण्याची वेळ आली,’ असे हेडनचे मत आहे.

तो म्हणाला, ‘रोहितचा झेल घेण्याची संधी खूपच कठीण होती तर दिवसाच्या शेवटच्या दुसऱ्या चेंडूवर जडेजाचा झेलही कमी-अधिक प्रमाणात आरामदायी होता. स्मिथला पहिल्या स्लिपमध्ये आलेला चेंडू चांगल्या उंचीवर आला परंतु त्याला प्रतिक्रिया देण्यास उशीर झाला आणि तो त्याच्या हाताला आदळला आणि जमिनीवर पडला. स्लिपमधील क्षेत्ररक्षकासाठी हे किती भयानक स्वप्न आहे. झेल घेताना एकप्रकारे तो तिथे अदृश्य राहिला. त्याने त्यापेक्षा चांगला प्रयत्न करायला हवा होता. दिवसाच्या दुसऱ्या चेंडूवर एकाग्रता महत्त्वाची होती. कदाचित तो नक्की बाद झाला असता आणि आज परिस्थिती वेगळी असती !”  अशीच भावना ऑस्ट्रेलियाचा माजी खेळाडू मार्क वॉ याने व्यक्त केली. परिस्थिती स्पष्ट करताना तो म्हणतो, ‘हे असे आहे की चेंडू त्याच्याकडे येईल असे त्याला वाटत नव्हते, तो खेळापासून दूर असल्यासारखा दिसतो. मैदानावर असताना तुम्ही सतर्क राहायला हवे. जेव्हा तुम्ही स्पिनर्सना पहिल्या स्लिपमध्ये क्षेत्ररक्षण करता तेव्हा तुम्ही प्रत्यक्षात फलंदाजी करत असल्याचे भासवायचे असते.’