MI Emirates Announced Coaching Staff : मुंबई इंडियन्सने मुख्य प्रशिक्षक माहेला जयवर्धने व झहीर खान यांच्याकडून आयपीएलमधील जबाबदारी काढून घेतली आणि त्यांच्याकडे मोठी जबाबदारी सोपवली. आयपीएलमध्ये मुंबई इंडियन्सच्या मुख्य प्रशिक्षकपदी मार्क बाऊचर असणार आहे. आयपीएलसह मुंबई इंडियन्स फ्रँचायझीने दक्षिण आफ्रिका व संयुक्त अरब अमिराती येथे होणाऱ्या ट्वेंटी-२० लीगमध्येही संघ खरेदी केले आहेत. आफ्रिकेतील लीगमध्ये MI Cape Town आणि दुबईतील लीगमध्ये MI Emirates या नावाने मुंबई इंडिन्सचे संघ उतरणार आहेत. MI Emirates मध्ये किरॉन पोलार्ड व ड्वेन ब्राव्हो हे ट्वेंटी-२०तील महान फलंदाज खांद्याला खांदा लावून खेळताना दिसणार आहेत. मुंबई इंडियन्
इंग्लंडमध्ये सुरू असलेल्या The Hundred लीगला पहिला शतकवीर २० वर्षीय विल स्मीद हाही MI Emirates चा सदस्य आहे. पोलार्ड, ब्राव्हो, निकोलस पूरन, ट्रेंट बोल्ट, अँड्य्रू फ्लेचर, इम्रान ताहीर, समित पटेल, विल स्मीद, जॉर्डन थॉम्पसन, नजिबुल्लाह झाद्रान, झहीर खान, फझलहक फारूकी, ब्रॅडली व्हिल, बॅस डे लीड असा १४ सदस्यीय संघ MI Emirates चा आहे. या स्टार खेळाडूंना मार्गदर्शन करण्यासाठी मुंबई इंडियन्सने शनिवारी कोचिंग स्टाफची घोषणा केली.
न्यूझीलंडचा गोलंदाज शेन बाँड हा MI Emirates चा मुख्य प्रशिक्षक असणार आहे, तो सध्या मुंबई इंडियन्सचा गोलंदाजी प्रशिक्षक आहे. मुंबई इंडियन्सच्या टॅलेंट स्काऊट मधील पार्थिव पटेल व विनय कुमार हे प्रशिक्षकाच्या जबाबदारीत पदार्पण करत आहेत. पार्थिवकडे फलंदाजी प्रशिक्षकपद, तर विनयकडे गोलंदाजी प्रशिक्षकपद सोपवण्यात आले आहे. मुंबई इंडियन्सचा माजी अष्टपैलू खेळाडू जेम्स फ्रँकलिन हा MI Emirates चा क्षेत्ररक्षक प्रशिक्षक असणार आहे. रॉबीन सिंगकडे विशेष जबाबदारी सोपवण्यात आली आहे आणि तो आता संघ व्यवस्थापक असेल.