Mukesh Chaudhary Super Catch, IPL 2022 CSK vs RCB: चेन्नई सुपर किेंग्ज विरूद्धच्या सामन्यात RCB ने २० षटकांत १७३ धावांपर्यंत मजल मारली. रॉयल चॅलेंजर्सकडून कोणत्याही एका फलंदाजाने मोठी खेळी केली नाही, पण अनेक खेळाडूंच्या छोटेखानी खेळींच्या जोरावर RCB ने CSK ला १७४ धावांचे आव्हान दिले. महिपाल लॉमरॉरने सर्वाधिक ४२ धावांची खेळी केली. पहिल्या डावात मुकेश चौधरीने टिपलेला झेल भाव खाऊन गेला.
RCB ने प्रथम फलंदाजी करताना चांगली सुरूवात केली. विराट कोहली ३० तर फाफ डु प्लेसिसने ३८ धावा केल्या. अर्धशतकी सलामी दिल्यानंतर ते दोघेही बाद झाले. ग्लेन मॅक्सवेल ३ धावांवर बाद झाला. त्यानंतर रजत पाटीदार खेळण्यासाठी आला. त्याने वेगाने धावा करण्यास सुरूवात केली. १५ चेंडूत २१ धावा केल्यानंतर त्याने हवेत फटका मारला. त्यावेळी मुकेशने अतिशय वेगाने धावत येऊन झेल टिपला.
हवेत झेपावत टिपला अप्रतिम कॅच, पाहा Video-
रजत पाटीदारचा झेल टिपल्यानंतर महिपाल लोमरॉरने फटकेबाजी सुरू ठेवली. २७ चेंडूत ३ चौकार आणि २ षटकारांच्या मदतीने त्याने सर्वाधिक ४२ धावा केल्या. वनिंदू हसरंगा पहिल्याच चेंडूवर बाद झाला. त्यानंतर दिनेश कार्तिकने फिनिशरची भूमिका नीट बजावली. १७ चेंडूत त्याने नाबाद २६ धावा केल्या.
Web Title: Mukesh Chaudhary takes Superb Catch to dismiss Rajat Patidar in IPL 2022 CSK vs RCB match watch video
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
