विराट कोहलीचे शानदार शतक आणि कर्णधार फाफ ड्यू प्लेसिसच्या अर्धशतकाच्या जोरावर रॉयल चॅलेंजर्स बंगळुरू संघाने आयपीएलमध्ये काल सनरायजर्स हैदराबाद संघावर आठ गडी व चार चेंडू राखून शानदार विजय मिळवला. या विजयासह बंगळुरूने प्ले ऑफचे आव्हान कायम राखले आहे.
विराट कोहलीने यंदाच्या हंगामातील पहिले तर आयपीएलमधील सहावे शतक झळकावले. या शतकासह विराट कोहलीने युनिवर्स बॉस ख्रिस गेलची बरोबरी केली. विराट कोहली आणि ख्रिस गेल यांच्या नावावर प्रत्येकी सहा सहा शतकांची नोंद आहे. विराट कोहली याने ६३ चेंडूत शतकी खेळी केली. विराट कोहलीच्या शतकीखेळीनंतर सोशल मीडियावर कौतुकाचा वर्षाव होत आहे.
मुंबई इंडियन्सचा फलंदाज सूर्यकुमार यादव याने देखील इन्स्टाग्रामवर पोस्ट टाकत विराट कोहलीचं कौतुक केलं आहे. 'मानले रे भाऊ', असं सूर्याने पोस्टमध्ये म्हटलं आहे. यााआधी देखील सूर्याने शतक झळकवल्यानंतर विराटने 'मानले रे भाऊ' म्हणत कौतुक केले होते. सूर्या आणि विराट नेहमी एकमेकांचे कौतुक करताना दिसून येतात.
![]()
विराटने आयपीएल २०२३ मध्ये ५०० धावांचा टप्पाही ओलांडला आणि आयपीएलच्या सहा पर्वात त्याने हा पराक्रम केला. भारतीय फलंदाजांमध्ये असा पराक्रम करणारा विराट एकमेव ठरला. दोघांची फटकेबाजी लाजवाब ठरली आणि त्यांचे टायमिंग कौतुकास्पद होते. भुवीने टाकलेल्या १५व्या षटकात विराटने अप्रतिम पुस्तकी फटके मारून ३ चौकार मिळवले अन् संघाला १५० धावांपर्यंत पोहोचवले. या दोघांनी यंदाच्या पर्वात ८००+ धावांची भागीदारी केली आणि आयपीएल इतिहासात पहिल्या विकेटसाठी एका पर्वातील ही सर्वोत्तम भागीदारी ठरली. यापूर्वी जॉनी बेअरस्टो व डेव्हिड वॉर्नर यांनी २०१९च्या पर्वात १० सामन्यांत ७९१ धावा जोडल्या होत्या.
Web Title: Mumbai Indians batsman Suryakumar Yadav has also praised Virat Kohli by posting on Instagram.
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
