Pollard Mumbai Indians Playing XI, IPL 2022 MI vs LSG Live: पाचपैकी पाचही सामने पराभूत झालेल्या मुंबई इंडियन्सने सहाव्या सामन्यात लखनौ विरूद्ध नाणेफेक जिंकून प्रथम गोलंदाजीचा निर्णय घेतला. सातत्याने गोलंदाजांचे अपयश दिसत असल्याने रोहित शर्माने हा निर्णय घेतल्याचे बोलले जात आहे. त्यासोबत रोहितने संघात एक बदल करत पोलार्डचा साथीदार ऑलराऊंडर फॅबियन अलनला संघात संधी दिली. बेसिल थंपीच्या जागी त्याला संघात समाविष्ट करण्यात आले. त्याशिवाय लखनौ सुपर जायंट्स संघानेही एक बदल करत कृष्णप्पा गौतमच्या जागी मनिष पांडेला संघात स्थान दिले.
टॉसच्या वेळी बोलताना रोहित म्हणाला की, आम्ही पहिले गोलंदाजी करणार आहेत. हा दिवसाचा खेळ आहे. ऊन खूप आहे, त्यामुळे आम्ही एका ऑलराऊंडरला संघात घेतले आहे. यावेळी आम्ही नवा प्लॅन घेऊन उतरत आहोत. क्रिकेटसाठी उत्तम अशा पिचवर फॅबियन अलनचा अनुभव आम्हाला नक्कीच उपयोगी पडेल. आम्ही केवळ आजच्या सामन्याचा विचार करणार आहोत. आम्हाला गोंधळ आणखी वाढवायचा नाही.
केएल राहुलने देखील टॉसच्या वेळी एक बदल सांगितला. तो म्हणाला की, आम्ही पहिल्या सामन्यापासूनच चांगला खेळ करत आहोत. आमचा संघ नवा आहे, तरीही आमच्या संघातील खेळाडू खूपच चांगल्या पद्धतीने एकत्रितपणे खेळत आहेत. आमचा प्रयत्न कायमच जिंकण्याचा असतो. आजची गौतमच्या जागी आम्ही मनिष पांडेला संघात घेतले आहे. सगळेच चांगले खेळतील अशी आमची अपेक्षा आहे.
लखनौ सुपर जायंट्स: केएल राहुल (क), क्विंटन डी कॉक (डब्ल्यू), मनीष पांडे, दीपक हुडा, मार्कस स्टॉइनिस, आयुष बडोनी, जेसन होल्डर, कृणाल पंड्या, दुष्मंथा चमीरा, आवेश खान, रवी बिश्नोई
मुंबई इंडियन्स:रोहित शर्मा (क), इशान किशन (डब्ल्यू), देवाल्ड ब्रेविस, तिलक वर्मा, सूर्यकुमार यादव, किरॉन पोलार्ड, फॅबियन ऍलन, जयदेव उनाडकट, मुरुगन अश्विन, जसप्रीत बुमराह, टायमल मिल्स
Web Title: Mumbai Indians include Pollard teammate star all rounder fabian allen in place of basil thampi in IPL 2022 MI vs LSG Live Updates
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
