PAK vs NZ 2nd ODI : पाकिस्तान आणि न्यूझीलंड यांच्यात पिंडी क्रिकेट स्टेडियमवर खेळल्या जाणाऱ्या दुसर्‍या वन डे सामन्यात विचित्र प्रकार घडला. पाकिस्तानने पहिला वन डे सामना पाच विकेट्सने जिंकला. आजच्या सामन्यात न्यूझीलंड क्रिकेट संघाची सुरुवात खराब झाली कारण सलामीवीर विल यंगची १९ धावांवर हॅरिस रौफने विकेट घेतली. चॅड बोवेस (५१), डॅरिल मिचेल (१२९) आणि कर्णधार टॉम लॅथम ( ९८) यांनी फलंदाजी करत पाहुण्यांचा डाव पुढे नेला. .
किवी संघाने १९व्या षटकात ११९ धावांवर आपली दुसरी विकेट गमावली. या सामन्यादरम्यान काहीतरी वेगळेच पाहायला मिळाले. खरं तर, ऑनफिल्ड पंच अलीम दार आणि रशीद रियाझ यांनी अधिकाऱ्यांना 30-यार्ड सर्कलचे पॉइंटर बदलण्यास सांगितले, ज्याचा व्हिडिओ सोशल मीडियावर त्वरित व्हायरल झाला. हा व्हिडीओ व्हायरल होताच चाहत्यांना प्रश्न पडला की, सामन्याच्या मध्यावर असा निर्णय घेता येईल का?