PAK vs NEP Asia Cup 2023 Live Marathi : प्रथमच आशिया चषक खेळणाऱ्या नेपाळने यजमान पाकिस्तानविरुद्ध चांगली कामगिरी केलेली पाहायला मिळतेय. बाबर आजमने ( Babar Azam) अनुभवी फलंदाज मोहम्मद रिझवानसह पाकिस्तानचा डाव सावरला. त्यानंतर इफ्तिखार अहमदसह बाबरने दमदार फटकेबाजी करून संघाला दोनशेपार नेले. बाबरने वन डे कारकिर्दीतील १९वे शतक आज पूर्ण केले. संघ अडचणीत असताना बाबरने मॅच्युअर इनिंग्ज केली अन् साऱ्यांनी त्याचे कौतुक केले. त्याने वर्ल्ड रेकॉर्डची नोंद केली.
हास्यास्पद! मोहम्मद रिझवान बॅट क्रिजवर ठेवायलाच विसरला; R Ashwin ने घेतली शाळा, Video
फखर जमान ( १४) व इमाम-उल-हक ( ५) या सलामीवीरांना २५ धावांवरच नेपाळने माघारी पाठवले. नेपाळचा कर्णधार रोहितच्या डायरेक्ट हिटवर इमाम रन आऊट झाला. कर्णधार बाबर व मोहम्मद रिझवान या अनुभवी खेळाडूंनी पाकिस्तानचा डाव सावरला. पण, नेपाळच्या टिच्चून माऱ्यासमोर त्यांच्या धावांना वेग मिळाला नाही. या दडपणात त्यांच्याकडून चूकाही झाल्या अन् रिझवान सैरभैर झालेला दिसला. त्याच गोंधळात त्याने स्वतःची विकेट फेकली. तो ५० चेंडूंत ६ चौकारांसह ४४ धावांवर बाद झाला आणि बाबरसह त्याची ८६ धावांची ( १०६ चेंडू) भागीदारीही संपुष्टात आली. आघा सलमानही रिव्हर्स मारण्याच्या प्रयत्नात संदीप लामिछानेच्या गोलंदाजीवर झेलबाद झाला अन् पाकिस्तानला १२४ धावांवर चौथा धक्का बसला. ( बाबर आजमचे अर्धशतक )
![]()
बाबरने त्यानंतर वन डे तील २९वे अर्धशतक पूर्ण केले. करण केसीने त्याच्याच गोलंदाजीवर बाबरचा झेल टाकला. त्यानंतर बाबरने फटकेबाजी सुरू केली. इफ्तिखार अहमनने कर्णधारासा चांगली साथ दिली. या दोघांची फटकेबाजी पाहून नेपाळचे खेळाडू किंचितसे निराश झालेले पाहायला मिळाले आणि त्यांच्याकडून क्षेत्ररणात चुका झाल्या. ५५ धावांवर बाबरचा सोडलेला झेल त्यांना महागात पडला. इफ्तिखारने ४३ चेंडूंत त्याचे अर्धशतक पूर्ण केले आणि बाबरसह शतकी भागीदारीही पूर्ण केली. बाबरने १०९ चेंडूंत १० चौकारांच्या मदतीने १०० धावा पूर्ण केल्या. पाकिस्तानने ४१.२ षटकांत ४ बाद २२५ धावा केल्या. त्याने १०२ इनिंग्जमध्ये १९ शतकं झळकावून वर्ल्ड रेकॉर्ड नोंदवला. द. आफ्रिकेच्या हाशिम आमलाने १०४ इनिंग्जमध्ये हा पराक्रम केला होता. विराट कोहली ( १२४) व डेव्हिड वॉर्नर ( १३९) यांनी सर्वाधिक इनिंग्ज खेळल्या होत्या.
Web Title: PAK vs NEP Asia Cup 2023 Live Marathi : RECORD: BABAR AZAM BECOMES THE FASTEST TO 19 ODI HUNDREDS IN HISTORY
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
