पाकिस्तान क्रिकेट संघानं शनिवारी दुसऱ्या ट्वेंटी-20 सामन्यात बांगलादेशवर 9 विकेट राखून दणदणीत विजय मिळवला. या विजयासह पाकिस्तान संघानं तीन सामन्यांच्या मालिकेत 2-0 अशी विजयी आघाडी घेतली. विशेष म्हणजे पाकिस्ताननं 12 जून 2018नंतर प्रथमच ट्वेंटी-20 मालिका जिंकली आहे. बांगलादेशचे 137 धावांचे लक्ष्य पाकनं 16.4 षटकांत सहज पार केले.
पहिला सामना जिंकल्यानंतर पाकनं दुसऱ्या सामन्यातही दमदार कामगिरी केली. प्रथम फलंदाजीला आलेल्या बांगलादेशला 20 षटकांत 6 बाद 136 धावांवर समाधाना मानण्यास भाग पाडले. सलामीवीर तमीम इक्बालनं 53 चेंडूंत 7 चौकार व 1 षटकार खेचून 65 धावांची खेळी केली. त्याच्याव्यतिरिक्त अफिफ होसैन ( 21) आणि कर्णधार महमदुल्लाह ( 12) यांना दुहेरी आकडा गाठता आला. पाकिस्तानच्या मोहम्मद हस्नैननं दोन विकेट्स घेतल्या.