Marnus Labuschagne Viral Tweet: Pakistan Cricket Board आणि त्यांचे क्रिकेटपटू हे सतत काही ना काही कारणाने चर्चेत येतात. पाकिस्तानी क्रिकेटपटू अनेकदा भारतीय क्रिकेटपटूंबद्दल केलेल्या विधानांमुळे चर्चेत असतात. तर पाकिस्तान क्रिकेट बोर्ड हे बहुतांश वेळा सोशल मीडियावरट्रोल होत असल्याने चर्चेत असते. सध्यादेखील पाक बोर्डाला नेटकऱ्यांकडून मोठ्या प्रमाणावर ट्रोल केलं जातंय. पण यावेळचं निमित्त आहे ऑस्ट्रेलियन क्रिकेटर मार्नस लाबूशेनने पोस्ट केलेला जेवणाचा (Daal Roti Meal) फोटो.
पाकिस्तान आणि ऑस्ट्रेलिया यांच्यात दुसरी कसोटी कराची येथे सुरू झाली. या कसोटी दरम्यान ऑस्ट्रेलियाच्या लंच मेन्यूमध्ये दाल-रोटीचा समावेश करण्यात आला. ऑस्ट्रेलियाचा फलंदाज मार्नस लाबुशेन याने सोशल मीडियावर दाल-रोटीचा फोटो शेअर करत म्हटले की, लंचसाठी दाल-रोटी... खूपच चविष्ट जेवण! लाबुशेनने हा फोटो सोशल मीडियावर शेअर करताच पाकिस्तान क्रिकोट बोर्डला तुफान ट्रोल करण्यात आलं.
--
--
--
--
दरम्यान, पहिल्या कसोटीत दोन्ही संघांनी मिळून १ हजार १८७ धावा केल्या होत्या आणि फक्त १४ विकेट पडल्या. या सामन्यासाठी खेळपट्टी फलंदाजीचा विचार करून तयार करण्यात आली होती. सामना झाल्यानंतर ऑस्ट्रेलियाचा कर्णधार पॅट कमिन्सने टीका केली होती. पण पाक कर्णधार बाबर आझमने खेळपट्टीचं समर्थन केलं होतं.