नवी दिल्ली : पाकिस्तानी संघाचा युवा वेगवान गोलंदाज नसीम शाह सध्या खूप चर्चेत आहे. आशिया चषकात त्याने केलेल्या उल्लेखणीय कामगिरीमुळे तो प्रसिद्धीच्या झोतात आला आहे. मात्र सध्या तो त्याच्या खराब इंग्रजीमुळे चर्चेत आला आहे. पाकिस्तान सुपर लीग (PSL) अर्थात पीएसएलमधील नसीम शाहचा एक व्हिडीओ खूप व्हायरल होत आहे, ज्यामधून त्याच्या इंग्रजीची खिल्ली उडवली जात आहे. या व्हिडीओत क्रिकेटपटू मोहम्मद नवाज आणि नसीम शाह 'लेनोवो' शब्दाला योग्यरित्या बोलण्याचा प्रयत्न करत आहेत.
दरम्यान, मोहम्मद नवाजने योग्यरित्या लेनोवो असा उल्लेख केला मात्र नसीम शाहची गडबड झाली. हा व्हिडीओ सोशल मीडियावर मोठ्या प्रमाणात व्हायरल होत आहे. भारतीय चाहत्यांनी यावरून नसीम शाहच्या इंग्रजीची खिल्ली उडवण्यास सुरूवात केली आहे. सोशल मीडियावर भन्नाट मीम्स व्हायरल करून युवा गोलंदाजाला ट्रोल केले जात आहे.
भारतीय चाहत्याने उडवली खिल्ली
आशिया चषकात नसीम शाहने पदार्पण करून शानदार गोलंदाजी केली होती. तसेच अफगाणिस्तानविरूद्धच्या सामन्यात अखेरच्या षटकात नसीमने सलग दोन षटकार ठोकून पाकिस्तानला निसटता विजय मिळवून दिला होता. आजपासून पाकिस्तान आणि इंग्लंड यांच्यामध्ये पाकिस्तानच्या धरतीवर टी-20 मालिकेला सुरूवात होणार आहे.
पाकिस्तानी युजर्संनी भारतीय चाहत्याला दिले प्रत्युत्तर
बाबर आझमही झाला होता ट्रोल
Web Title: Pakistan's young bowler Naseem Shah is being trolled for bad English
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
