IPL 2021, KL Rahul: पंजाब किंग्जचा कर्णधार केएल राहुल आयपीएलमध्ये तुफान फॉर्मात आहे. पंजाबचं नेतृत्त्व करताना त्याच्या कामगिरीतही कमालीची सुधारणा झाल्याचं पाहायला मिळत आहे. राजस्थान रॉयल्स विरुद्धच्या आजच्या सामन्यातही केएल राहुल गोलंदाजांची अक्षरश: पिसं काढतोय. केएल राहुलची आयपीएलमधील कामगिरी नक्कीच उल्लेखनीय राहिलेली आहे आणि त्यानं आज अनोख्या विक्रमाला गवसणी घातली आहे.
केएल राहुल आता तीन हजारी मनसबदार झाला आहे. आयपीएलमध्ये केएल राहुलनं ३ हजार धावांचा टप्पा ओलांडला आहे. महत्त्वाची बाब म्हणजे केएल राहुलनं अवघ्या ८० सामन्यांमध्येच ३ हजार धावांचा पल्ला गाठण्याचा कारनामा केला आहे. याआधी अशी कामगिरी ख्रिस गेलनं केली आहे. विस्फोटक फलंदाजीसाठी ओळखल्या जाणाऱ्या गेलनं अवघ्या ७५ सामन्यांमध्ये ३ धावा पूर्ण केल्या होत्या. सर्वात जलद गतीनं ३ हजार धावांचा टप्पा ओलांडण्याच्या शर्यतीत डेव्हिड वॉर्नर (९४ सामने) तिसऱ्या आणि सुरेश रैना (१०३ सामने) चौथ्या स्थानावर आहे.
Web Title: PBKS vs RR IPL 2021 KL Rahul becomes second fastest to 3000 Indian Premier League runs
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
