IPL 2022 Final & Play Off : इंडियन प्रीमिअर लीग २०२२च्या फायनलची तारीख अन् ठिकाणाची अधिकृत घोषणा अखेर झाली. साखळी फेरीतील ७० सामन्यांचा मान मुंबई, पुणे व नवी मुंबईला दिल्यानंतर प्ले ऑफ व अंतिम सामना कुठे खेळवला जाईल याची उत्सुकता होती. आयपीएल २०२२ची फायनल अहमदाबाद येथे २९ मे ला खेळवण्यात येईल, तर प्ले ऑफ व एलिमिनेटर २४ व २६ मे ला कोलकाता येथे खेळवण्यात येणार आहे. दुसरी प्ले ऑफ २७ मे ला अहमदाबाद येथे होईल. याशिवाय पुण्याला अतिरिक्त ४ सामन्यांच्या आयोजनाचा मान दिला गेला आहे. बीसीसीआयचे सचिव जय शाह यांनी (Jay Shah) ANI शी बोलताना हे जाहीर केले.
''नरेंद्र मोदी स्टेडियमवर २७ मे रोजी दुसरा क्वालिफायर सामन्यासह २९ तारखेला फायनल होणार आहे. कोलकाता येथे क्वालिफायर १ व एलिमिनेटरच्या लढती अनुक्रमे २४ व २५ मे ला खेळवण्यात येतील,''असे जय शाह यांनी सांगितले.