Pushpa Movie, David Warner Dance: साऊथ स्टार अल्लू अर्जुनचा 'पुष्पा - द राइज' हा चित्रपट सुपरहिट ठरला. चित्रपटातील गाण्यांनीही जगभरात धुमाकूळ घातला आहे. भारताशिवाय ऑस्ट्रेलियातही या चित्रपटाच्या गाण्यांची क्रेझ आहे. ऑस्ट्रेलियन क्रिकेट संघाचा स्टार फलंदाज डेव्हिड वॉर्नरच्या मुलींनी चित्रपटातील एका गाण्यावर डान्स केला. या डान्सचा व्हिडिओ स्वत: डेव्हिड वॉर्नरने सोशल मीडियावर शेअर केला. डेव्हिड वॉर्नरने इन्स्टाग्रामवर व्हिडिओ शेअर करत पोस्टमध्ये लिहिले, 'आई आणि वडिलांच्या आधी या मुलींना सामी-सामी गाण्यावर डान्स करायचा होता.' वॉर्नरने पोस्टमध्ये हसणारा एक इमोजीदेखील टाकला.
अल्लू अर्जुनने स्वत: केली कमेंट
डेव्हिड वॉर्नरच्या मुलींचा डान्स अनेकांच्या पसंतीस उतरला. चित्रपटाचा हिरो अल्लू अर्जुन यानेही डेव्हिड वॉर्नरच्या पोस्टवर मजेशीर कमेंट केली. त्याने वॉर्नरच्या पोस्टवर 'Sooo Cute' अशी कमेंट करत दोन इमोजीही टाकले. त्याच पोस्टवर वॉर्नरची पत्नी कँडी हिनेही कमेंट केली. 'मुलींनो, असंच डान्स करत राहा!!', अशी तिने कमेंट केली.
डेव्हिड वॉर्नर सोशल मीडियावर खूप सक्रिय असतो. भारतीय चित्रपटांच्या संवाद, गाणी आणि अॅक्शनची तो नेहमीच नक्कल करत असतो. अलीकडेच त्याने पुष्पा चित्रपटातील अल्लू अर्जुनच्या एका डायलॉगची छान नक्कल केली होती. यासोबतच त्याने एका गाण्याचीही नक्कल केली होती. अल्लू अर्जुनने त्यावरही कमेंट केली होती.