Rahul Tripathi Aiden Markram, IPL 2022 SRH vs KKR Live Updates: कोलकाता विरूद्धच्या सामन्यात सनराजयर्स हैदराबादने ७ गडी राखून दणदणीत विजय मिळवला. कोलकाता नाईट रायडर्सने नितीश राणा आणि आंद्रे रसल यांच्या तुफानी खेळीच्या जोरावर १७५ धावांपर्यंत मजल मारली होती. प्रत्युत्तरात राहुल त्रिपाठी आणि एडन मार्करम यांच्या अर्धशतकांच्या जोरावर हैदराबादने कोलकातावर मोठा विजय मिळवला.
प्रथम फलंदाजी करताना कोलकाताच्या डावाची सुरूवात खराब झाली. अजिंक्य रहाणेच्या जागी संधी मिळालेला आरोन फिंच ७ धावांवर बाद झाला. त्यानंतर व्यंकटेश अय्यर (६) आणि सुनील नरिन (६) एकाच षटकात माघारी परतले. श्रेयस अय्यरही २८ धावांवर तंबूत परतला. त्यानेतर नितीश राणाने ३६ चेंडूत ६ चौकार आणि २ षटकारांच्या मदतीने ५४ धावा केल्या. शेवटच्या टप्प्यात आंद्रे रसलने ४ चौकार आणि ४ षटकारांच्या मदतीने २४ चेंडूत नाबाद ४९ धावा कुटल्या. टी नटराजनने ३, उमरानने २ तर मार्को जेन्सन, जगदीश सुचिथ आणि भुवीने १-१ बळी घेतले.
या आव्हानाचा पाठलाग करताना हैदराबादचे सलामीवीर अभिषेक शर्मा ३ आणि केन विल्यमसन १७ धावांवर माघारी परतले. पण त्यानंतर राहुल त्रिपाठी आणि एडन मार्करम जोडीने थैमान घालत तुफान फटकेबाजी केली. या दोघांमध्ये ९४ धावांची भागीदारी झाली. राहुल ४ चौकार आणि ६ षटकारांच्या मदतीने ३७ चेंडूत ७१ धावा काढून माघारी गेला. त्यानंतर मार्करमने संघाला विजय मिळवून दिला. त्याने ६ चौकार आणि ४ चौकारांच्या मदतीने ३६ चेंडूत नाबाद ६८ धावा कुटल्या. कोलकाताकडून रसलने २ तर पॅट कमिन्सने १ बळी घेतला.
Web Title: Rahul Tripathi Aiden Markram half centuries help SRH to Beat KKRiders after Andre Russell Nitish Rana Umran Malik Shines IPL 2022
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
