Sanju Samson IPL 2022 Final : २००८ नंतर राजस्थान रॉयल्स ( Rajasthan Royals) आयपीएल फायनल खेळणार आहे. आयपीएल २०२२मध्ये प्रथमच खेळणाऱ्या गुजरात टायटन्सने ( Gujarat Titans) अंतिम फेरीत प्रवेश करून विक्रमी कामगिरी केली आणि आता त्यांच्यासमोर RR चे आव्हान आहे. २००८मध्ये शेन वॉर्नच्या ( Shane Warne) नेतृत्वाखाली राजस्थानने जेतेपद पटकावले होते आणि १४ वर्षांनंतर त्यांना दुसरे जेतेपद जिंकण्याची संधी आहे. पण, या सामन्याआधी RRचा कर्णधार संजू सॅमसन ( Sanju Samson) याची पत्नी चारुलता ( Charulatha) हिने आयपीएल ऑफिशियल ब्रॉडकास्टर अन् BCCI ला डिवचणारी पोस्ट केली.
राजस्थान रॉयल्स विरुद्ध गुजरात टायटन्स यांच्यात IPL 2022 Final होणार आहे आणि त्याच्या काही तासांपूर्वीच चारुलताची पोस्ट व्हायरल झाली आहे. त्यात तिने ब्रॉडकास्टरने आयपीएल २०२२ च्या सुरुवातीला तयार केलेल्या अॅनिमेशन सीरिजचा पोस्टर दिसतोय.. त्यात आयपीएल २०२२च्या जेतेपदाच्या शर्यतीत मुंबई इंडियन्स व चेन्नई सुपर किंग्स यांना आघाडीवर दाखवण्यात आले आहे. त्यात रोहित शर्मा, महेंद्रसिंग धोनी यांच्यासह RCBचा विराट कोहलीही दिसतोय... पण, या पोस्टरमध्ये राजस्थानचा कर्णधार संजू सॅमसन गायब आहे.
चारुलताने पोस्टवर लिहिले की, आयपीएल २०२२च्या जेतेपदाच्या शर्यतीत पहिल्या दिवशी हा animated video पाहिला होता. पण, त्यात गुलाबी जर्सी का नाही, याचे मला आश्चर्य वाटले होते.
![]()
संजू सॅमसनच्या नेतृत्वाखाली राजस्थानने अंतिम फेरीत प्रवेश केला. संजूने यंदाच्या आयपीएलमध्ये १४ सामन्यांत ९ विजय मिळवले आणि ३०च्या सरासरीने ४४४ धावा केल्या आहेत.
Web Title: Rajasthan Royal's Captain Sanju Samson's Wife Charulatha Takes Dig at Official Broadcasters In Insta Post
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
