Michael Bracewell smashes record books : न्यूझीलंडच्या स्थानिक ट्वेंटी-२०लीग सुपर स्मॅश स्पर्धेत वर्ल्ड रिकॉर्डची नोंद झाली. वेलिंग्टन फायरबर्ड्स संघाचा कर्णधार मायकल ब्रेसवेल ( Michael Bracewell) यानं फलंदाजीत चौकार - षटकारांची आतषबाजी केली. त्यानं त्याच्या खेळीत ११ चौकार व ११ षटकार खेचले आणि त्याच्या या खेळीच्या जोरावर फायरबर्ड्सनं विजय मिळवला. त्यांनी सेंट्रल डिस्ट्रीक्ट संघानं २० षटकांत २२८ धावांचे उभे केलेले लक्ष्य पार केले. प्रत्युत्तरात फायरबर्ड्सचे ५ खेळाडू ४३ धावांत माघारी परतले होते, परंतु ब्रेसवेल मैदानावर उतरला अन् सामन्याचे चित्र बदलले. फायरबर्ड्सनं २ विकेट्स राखून हा सामना जिंकला. ब्रेसवेलनं ४६ चेंडूंत शतक पूर्ण केले.
ब्रेसवेलनं त्याच्या खेळीत ११ चौकार व ११ षटकार खेचले, म्हणजे त्यनं २२ चेंडूंत ११० धावा चोपल्या. त्यापैकी ४४ धावा या चौकारानं तर ६६ धावा षटकारानं आल्या.