टीम इंडियाचा यष्टीरक्षक रिषभ पंतच्या कारचा आज अपघात झाला. या अपघातात रिषभ गंभीर जखमी झाला आहे. 25 वर्षीय ऋषभ पंतचा पुढील आठवड्यात श्रीलंकेविरुद्धच्या मालिकेसाठी संघात समावेश करण्यात आलेला नाही. मात्र, आता पंतला अनेक महिने क्रिकेटपासून दूर राहावे लागणार आहे. या घटनेनंतर आता शिखर धवन आणि रिषभ पंतचा एक जुना व्हिडिओ सोशल मीडियावर व्हायरल होत आहे.
हा व्हिडिओ पाहून नेटकरी म्हणत आहेत.हा सल्ला हलक्यात घेऊ नका. खरे तर तीन वर्षांपूर्वी २५ वर्षीय ऋषभ पंतला त्याचा वरिष्ठ साथीदार शिखर धवनने आरामात गाडी चालवण्याचा सल्ला दिला होता. रिषभ पंतने आपल्या वरिष्ठ सहकाऱ्याचे म्हणणे ऐकले असते तर कदाचित तो आज रुग्णालयात नसता.
11 सेकंदाचा व्हिडिओ इंडियन प्रीमियर लीगदरम्यानचा आहे. त्यानंतर शिखर धवन दिल्ली कॅपिटल्स संघाकडूनही खेळला. या व्हिडीओमध्ये दोन्ही क्रिकेटपटू दिल्ली कॅपिटल्सच्या जर्सीत काही खेळ खेळत आहेत. या व्हिडिओमध्ये पंत कॅमेऱ्यासमोर शिखर धवनला म्हणतो, 'एक सल्ला, जो तू मला द्यायचा आहे. यावर धवनने उत्तर दिले होते, 'कार आरामात चालव, हा सल्ला ऐकून रिषभ जोरात हसायला लागतो. यावर 'ठीक आहे, तुमचा सल्ला घेऊन मी आता आरामात गाडी चालवतो, असं उत्तर रिषभ पंत देतो.
या अपघातानंतर शिखर धवनने आता एक ट्विट केले आहे.'देवाचे आभार. तु लवकर बरा होण्यासाठी शुभेच्छा देतो. देव तुम्हाला तीच जुनी ताकद आणि चांगले आरोग्य लवकर देवो, असं ट्विट धवनने केले आहे.
कार अपघाताचे सीसीटीव्ही फुटेजही व्हायरल होत आहेत, यात रिषभची कार वेगात दुभाजकाला धडकताना दिसत आहे. अपघातावेळी पंतची कार वेगात असल्याचे दिसत आहे. या अगोदर भरधाव वेगाने गाडी चालवल्याबद्दल पंतचे चलनही या वर्षी दोनदा कापण्यात आले आहे. उत्तर प्रदेश पोलीस वाहतूक संचालनालयाने रिषभ पंतला चलन सादर करण्याबाबत नोटिसाही पाठवल्या आहेत.
पंतबाबत बीसीसीआयने दिलेल्या अपडेटनुसार, या पंतला कपाळावर दोन कट खुणा आहेत आणि त्याच्या गुडघ्याला दुखापत झाली आहे. यासोबतच रिषभ पंतचा अंगठा, टाच, मनगट आणि पाठीला दुखापत झाली आहे. लिगामेंट इजा बरी होण्यासाठी तीन ते सहा महिने लागतील अस सांगण्यात येत आहे.
Web Title: Rishabh Pant Car Accident If Rishabh Pant had listened to Shikhar Dhawan, such an incident would not have happened
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
