Rohit Sharma Ravindra Jadeja Comedy Video, IPL 2022 MI vs CSK Live: मध्ये आज नवी मुंबईच्या डी वाय पाटील स्टेडियमवर मुंबई इंडियन्स आणि चेन्नई सुपर किंग्जचे आमनेसामने आले. सामना सुरू होण्यापूर्वी दोन्ही संघांच्या कर्णधारांमध्ये अप्रतिम बॉन्डिंग पाहायला मिळाले. मुंबई इंडियन्सचा कर्णधार रोहित शर्मा आणि चेन्नई सुपर किंग्जचा कर्णधार रवींद्र जाडेजा टॉससाठी आला. खेळपट्टी प्रथम गोलंदाजी करण्यासाठी अनुकूल असल्याने रवींद्र जडेजाने नाणेफेक जिंकून गोलंदाजी करण्याचा निर्णय घेतला. त्याच दरम्यान एक मजेशीर प्रसंग पाहायला मिळाला.
रविंद्र जाडेजाने नाणेफेक जिंकून प्रथम गोलंदाजीचा निर्णय घेतला. त्यानंतर तो समालोचक निक नाइटशी बोलू लागला. रवींद्र जाडेजा बोलून परत जाऊ लागला, तेव्हा रोहित शर्माने त्याला विचारलं 'बॅटिंग बोला था ना तू...' त्यावर हसत-हसत रवींद्र जाडेजा म्हणाला की, नाही, मी बॉलिंग म्हटलं. आणि त्यानंतर दोघांमध्ये हशा पिकला, ज्यावर समालोचकही हसू लागले. पाहा तो मजेशीर प्रसंग-
दरम्यान, आजच्या सामन्यातून रेली मेरेडिथ व दिल्लीचा २१ वर्षीय फिरकीपटू हृतिक शोकीन यांनी आज मुंबई इंडियन्सकडून पदार्पण केले आहे. डॅनिएल सॅम्सही संघात परतला आहे. चेन्नई सुपर किंग्सने नाणेफेक जिंकून प्रथम गोलंदाजीचा निर्णय घेतला आहे. चेन्नईच्या संघात दोन बदल पाहायला मिळत आहेत. ड्वेन प्रेटोरियस आणि मिचेल सँटनर यांना ख्रिस जॉर्डन व मोईन अली यांच्याजागी स्थान दिले आहे.
Web Title: Rohit Sharma Ravindra Jadeja Comedy Video in IPL 2022 MI vs CSK Live when Mumbai Indians Lost Toss watch
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
