Virat Kohli 100th Test, Rohit Sharma, IND vs SL 1st Test : भारताच्या संघाने श्रीलंकेविरूद्ध पहिल्या कसोटीच्या पहिल्या दिवसअखेर ६ बाद ३५७ धावा केल्या. ऋषभ पंतच्या ९६ धावा आणि हनुमा विहारीचं दमदार अर्धशतक (५८) याच्या जोरावर भारताने पहिल्या दिवशी साडेतीनशेचा टप्पा पार केला. आपली १००वी कसोटी खेळणाऱ्या विराटचा सन्मान चाहत्यांना पाहता आला. पण त्याला अर्धशतकाने हुलकावणी दिल्यामुळे चाहते काहीसे हिरमुसले. विराट बाद झाला त्यावेळी रोहित शर्माने जी प्रतिक्रिया दिली ती चांगलीच व्हायरल झाली.
दोन गडी बाद झाल्यावर विराट मैदानात आला. सुरुवातीला संथ गतीने खेळ केल्यानंतर मग विराटला सूर गवसला. एकेरी दुहेरी धावा घेत आणि वेळप्रसंगी चौकार लगावत त्याने दमदार खेळाला सुरूवात केली. आपल्या विशेष कसोटी विराट अर्धशतकाच्या जवळ पोहोचला असतानाच नेमका ४५ धावांवर त्याला बाद व्हावं लागलं. एम्बुलडेनिया याने विराटला आपल्या फिरकीच्या जाळ्यात अडकवलं. महत्त्वाची बाब म्हणजे, चेंडू नक्की कसा आला आणि कसा दांडी गुल करून गेला, हे विराटला अजिबातच कळलं नाही. त्यामुळे विराट अक्षरश: हैराण होऊन चेंडकडे बघत राहिला. विराट बाद झाल्याने रोहित भलताच निराश झाला. त्याने दिलेली रिअँक्शन चांगलीच चर्चेत आली. पाहा व्हिडीओ-
दरम्यान, मोहाली कसोटीचा पहिला दिवस रिषभ पंतने गाजवला. त्याने ९७ चेंडूत ९६ धावांची धडाकेबाज खेळी केली. त्याच्या खेळीत ९ चौकार आणि ४ षटकारांचा समावेश होता. पंतच्या फटकेबाजीपुढे श्रीलंकन गोलंदाज हतबल झाल्याचं दिसून आलं. पण त्याचं शतक न झाल्याने अखेर चाहतेही नाराज झाल्याचं दिसून आलं.
Web Title: Rohit Sharma Reaction after Virat Kohli clean bowled missing fifty IND vs SL 1st Test Live Updates Video goes viral
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
