Indian Premier League ( IPL 2020) आजच्या सामन्या खच्चून आत्मविश्वास भरलेल्या दिल्ली कॅपिटल्स ( Delhi Capitals) कडून राजस्थान रॉयल्सच्या ( Rajasthan Royals) गोलंदाजांची यथेच्छ धुलाई होईल, असेच वाटले होते. पण, स्टीव्हन स्मिथच्या ( Steven Smith) आक्रमक नेतृत्त्वानं DCच्या धावाला लगाम लावली. जोफ्रा आर्चरनं ( Jofra Archer) पॉवर प्लेमध्ये दोन धक्के दिल्यानंतर DCचा डाव अडखळला. यशस्वी जैस्वालनं ( Yashasvi Jaiswal) भन्नाट क्षेत्ररक्षण करताना दिल्लीच्या कर्णधाराला मागे पाठवले. शिमरोन हेटमारयनं दिल्लीला मोठ्या धावसंख्येची आस लावली, परंतु कार्तिक त्यागी-राहुल टेवाटिया या जोडीनं त्या मावळून टाकल्या. शारजाह स्टेडियमवर सहज वाटणाऱ्या दोनशे धावांचा पल्लाही दिल्ली कॅपिटल्सला गाठता आला नाही. पण, राजस्थानची सुरुवातही फार चांगली झालेली नाही.
राहुल टेवाटियानं पुन्हा शाहजाह गाजवलं, SRHच्या रशीद खानचा विक्रम मोडला!
शारजाहच्या खेळपट्टीचा अधिक अभ्यास असलेल्या राजस्थान रॉयल्सनं ( Rajasthan Royals) नाणेफेक जिंकून दिल्ली कॅपिटल्सला ( Delhi Capitals) प्रथम फलंदाजीसाठी बोलावले. जोफ्रा आर्चरनं ( Jofra Archer) तीन विकेट्स घेत दिल्लीला मोठे धक्के दिले. श्रेयस अय्यर ( 22) आणि रिषभ पंत ( 5) धावबाद झाले. चांगल्या फॉर्मात असलेल्या पृथ्वी शॉ ( 19) यालाही आर्चरनं बाद केले. मार्कस स्टॉयनिस ( Marcus Stoinis) 39 आणि शिमरोन हेटमायर ( Shimron Hetmyer) 45 धावांची खेळी केली. त माघारी परतला. अक्षर पटेलनं ( 17) छोटेखाली, पण महत्त्वपूर्ण खेळी करून दिल्लीला समाधानकारक पल्ला गाठून दिला. दिल्लीला 8 बाद 184 धावा करता आल्या. जोफ्रा आर्चरनं 24 धावांत 3 विकेट्स घेतल्या.
रिषभ पंतचा 'पोपट' झाला; धाव घेतोय की चालतोय हेच विसरला, Video
प्रत्युत्तरात राजस्थान रॉयल्सचा (RR) सलामीवीर जोस बटलर ( 15) तिसऱ्याच षटकात माघारी परतला. कर्णधार स्टीव्ह स्मिथचा सुरेख झेल टिपून शिमरोन हेटमायरनं DCला मोठं यश मिळवून दिलं. स्मिथ 24 धावांवर बाद झाला. आपल्या फेव्हरिट ग्राऊंडवर संजू सॅमसन फटकेबाजी करेल, असेच वाटले होते. पण, त्याच्या अपयशाचा पाढा येथेही कायम राहिला. तो अवघ्या 5 धावा करून स्टॉयनिसच्या गोलंदाजीवर बाद झाला. हेटमायरनं घेतलेला झेल हा कॅच ऑफ दी मॅच ठरला.
पाहा व्हिडीओ...
Web Title: RR vs DC Latest News : RR Captain Steve Smith departs, great catch by Shimron Hetmyer in the deep, Video
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
