रुस्तम कूपर! जगातिल सर्वात वयस्कर क्रिकेटपटूनं मुंबईच्या राहत्या घरात अखेरचा श्वास

Russi Cooper - पेंटॅग्युलर आणि रणजी ट्रॉफी खेळणारे भारताचे एकमेव क्रिकेटपटू रुस्तम कुमर ( Russi Cooper) यांचे आज सकाळी कुलाबा येथील राहत्या घरी निधन झाले. प्रथम श्रेणी क्रिकेटमधील सर्वात वयस्कर क्रिकेटपटू अशी त्यांची ओळख आहे. त्यांनी बॉम्बे व मिडलसेक्स या संघाचे प्रतिनिधित्व केले होते. १९४४-४५ च्या रणजी करंडक स्पर्धेच्या फायनलमध्ये त्यांनी होळकर्स संघाविरुद्ध ५२ व १०४ धावांची खेळी केली होती. मागच्या वर्षी त्यांनी वयाचे शतक पूर्ण केले होते. 

१९४३-४४ व १९४४-४५ या कालाधीत त्यांनी अनुक्रमे ७६.६० व ९१.८३ च्या सरासरीने धावा केल्या आणि ८ डावांमध्ये त्यांनी दोन शतकं व पाच अर्धशतकं झळकावली होती.  १९४९ पर्यंत त्यांनी प्रथम श्रेणी क्रिकेट खेळले नाही, परंतु त्यानंतर मिडलसेक्स संघाकडून ८ सामने ते खेळले. १४ डिसेंबर १९२२ साली जन्मलेले कूपर हे मिडलसेक्स संघाकडून खेळणारे सर्वात वयस्कर क्रिकेटपटू होते. यापूर्वी हा विक्रम जेम्स गिलमन ( ९७ वर्ष व १८२ दिवस) यांच्या नावावर होता. १४ सप्टेंबर १९७६ मध्ये गिलमन यांचे निधन झाले.   

India's only cricketer Russi Cooper who played Pentangular & Ranji trophy passed away this morning. He played for Bombay and Middlesex in 40s. Scored a hundred in the 1944-45 Ranji final against Holkars. Was alumni of LSE. Was invited to Lincoln's Bar. Garothman Behest Hojoji

— Makarand Waingankar (@wmakarand) July 31, 2023