पाकिस्तानची गोलंदाज साना मिरने घडवला इतिहास, वन डे रँकिंगमध्ये अव्वल

पाकिस्तान महिला क्रिकेट संघातील अनुभवी अष्टपैलू खेळाडू आणि माजी कर्णधार साना मिरने गुरुवारी इतिहास घडवला.

दुबई : पाकिस्तान महिला क्रिकेट संघातील अनुभवी अष्टपैलू खेळाडू आणि माजी कर्णधार साना मिरने मंगळवारी इतिहास घडवला. आंतरराष्ट्रीय क्रिकेट परिषदेच्या ( आयसीसी) महिला क्रिकेट वन डे क्रमवारीत अव्वल स्थानावर विराजमान होणारी ती पाकिस्तानची पहिली खेळाडू ठरली आहे. आयसीसी महिला चॅम्पियन्सशीप मालिकेमध्ये ऑस्ट्रेलियाकडून पाकिस्तान संघाला 3-0 असा पराभव पत्करावा लागला. मात्र, या मालिकेत तिची कामगिरी उल्लेखनीय झाली.

मिरने तीन सामन्यांत अनुक्रमे 3/26, 1/37 आणि 3/53 अशी कामगिरी केली आणि 663 गुणांसह महिला गोलंदाजांमध्ये अव्वल स्थान पटकावले. तिने तीन स्थानांची झेप घेताना दक्षिण आफ्रिकेच्या मॅरिझने कॅप्प आणि ऑस्ट्रेलियाच्या मीगन स्कट व जेस जोनासेन यांना मागे टाकले. सोशल मीडियावर तिच्यावर कौतुकाचा वर्षाव होत आहे. ''हे संघाचे यश आहे. त्यांच्या सहकार्यामुळे मी ही भरारी घेऊ शकले. आयसीसीचे आभार,'' असे मिरने ट्विट केले.  
 

Alhamdolillah ! Thanks to the Almighty for giving me strength to keep going.

Thanks to my parents,family,friends & mentor for unconditional love.

This is a team effort of support staff and players who have helped me  excel. I Thank you ALL from the bottom of my heart 🙏❤🇵🇰💪 https://t.co/2KTxKeHcdO

— Sana Mir (@mir_sana05) October 23, 2018

मिरने मागील 9 सामन्यांत 12.75 च्या सरासरीने 24 विकेट घेतल्या आहेत.