sara tendulkar birthday : क्रिकेटचा देव, मास्टर ब्लास्टर दिग्गज अशा विविध नावांनी ओळखला जाणारा महान क्रिकेटपटू सचिन तेंडुलकर नेहमी चर्चेत असतो. सोशल मीडियाच्या माध्यमातून नेहमी चाहत्यांच्या संपर्कात राहणाऱ्या सचिनने आपल्या लेकीच्या वाढदिवशी एक खास पोस्ट केली आहे. खरं तर सचिनची मुलगी सारा तेंडुलकरचा आज वाढदिवस आहे. सारा तेंडुलकरने देखील सौंदर्य आणि ग्लॅमरस लूकने प्रसिद्धी मिळवली आहे. तिचेही सोशल मीडियावर मोठ्या प्रमाणात चाहते आहेत. ती नेहमी नवनवीन फोटो शेअर करून चाहत्यांच्या संपर्कात राहत असते.
सचिन तेंडुलकरने लेकीच्या वाढदिवशी सोशल मीडियावर एक पोस्ट केली आहे. एक जुना फोटो शेअर करत क्रिकेटच्या देवाने म्हटले, "वाढदिवसाच्या हार्दिक शुभेच्छा...! हमारी आँखों का तारा, सारा."
दरम्यान, सारा तेंडुलकरने मुंबईतील धीरूभाई अंबानी इंटरनॅशनल स्कूलमधून शालेय शिक्षण घेतले आणि लंडनमधून ग्रॅज्युएशन केले. साराने युनिव्हर्सिटी कॉलेज ऑफ लंडनमधून वैद्यकशास्त्राचे शिक्षण घेतले आहे. साराची आई अंजली तेंडुलकर याही बालरोगतज्ज्ञ होत्या. लंडनमध्ये साराच्या दीक्षांत समारंभात सचिन आणि अंजली तेंडुलकर दोघेही उपस्थित होते. अलीकडेच सारा बॉलिवूडमध्ये येत असल्याच्या बातम्या येत होत्या, मात्र सचिन तेंडुलकरने ही अफवा असल्याचे म्हटले होते.
Web Title: Sara Tendulkar Birthday Sachin Tendulkar has made a special post on Sara Tendulkar's birthday
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
