Shardul Thakur Wedding: भारताचा वेगवान गोलंदाज शार्दूल ठाकूर २७ फेब्रुवारीमध्ये विवाहबंधनात अडकणार आहे. लोकेश राहुल, अक्षर पटेल या भारतीय क्रिकेटपटूंचं नुकतंच लग्न झालं अन् आता शार्दूलचा नंबर लागला आहे. शार्दूल ठाकूर त्याची मैत्रीण मिताली परुळकरसोबत सात फेरे घेणार आहे. शार्दूल आणि मिताली यांचा विवाह महाराष्ट्रीयन पद्धतीने होणार आहे आणि कालच हळद समारंभ पार पडला आणि यात शार्दूल ठाकूरने झिंगाट गाण्यावर सैराट डान्स केल्याचा व्हिडीओ सोशल मीडियावर व्हायरल झाला आहे.
शार्दूल ठाकूरचे सोमवारी लग्न, जाणून घ्या कोण आहे मिताली परुळकर
शार्दूल-मितालीच्या लग्नाला सुमारे २०० ते २५० पाहुणे या लग्नाला उपस्थित राहणार आहेत. हा सोहळा मुंबईत होत आहे. हळदी समारंभात शार्दूल त्याच्या मित्र आणि कुटुंबीयांसह झिंगाट गाण्यावर नाचताना दिसला होता. शार्दूल ठाकूर आणि मिताली परूळकर यांचा मुंबईत २९ नोव्हेंबर २०२१ रोजी साखरपुडा झाला होता. शार्दूल ठाकूर मितालीला बरेच दिवस डेट करत आला आहे. मिताली ठाण्यात 'द बेक्स' नावाची स्टार्टअप कंपनी चालवते. मिताली सोशल मीडियावर नेहमी सक्रिय असते. फेब्रुवारी २०२० मध्ये मितालीने ‘All the Jazz – Luxury Bakers’ ही स्वतःची बेकरी कंपनी सुरू केली.