T20 World Cup Sri Lanka qualified into the Super 12 : श्रीलंका संघानं Round 1 मधील अ गटातील दोन्ही सामने जिंकून Super 12 मधील स्थान पक्कं केलं. श्रीलंका संघानं बुधवारी आयर्लंडवर ७० धावांनी दणदणीत विजय मिळवला. इंडियन प्रीमिअर लीग २०२१च्या दुसऱ्या टप्प्यात मोठा गाजावाजा करून संघात घेतलेल्या वनिंदू हसरंगाला ( Wanindu Hasaranga ) विराट कोहलीच्या रॉयल चॅलेंजर्स बंगलोरनं ( RCB) बाकावर बसवून ठेवले. त्याच हसरंगाच्या ( ७१ धावा व १ विकेट) अष्टपैलू कामगिरीच्या जोरावर श्रीलंकेनं आयर्लंडवर ७० धावांनी विजय मिळवला आणि Super 12 मध्ये प्रवेश करण्याचा पहिला मान पटकावला.
प्रत्युत्तरात आयर्लंडच्या फलंदाजांनी नांगी टाकली. कर्णधार अँडी बाल्बर्नी ( ४१) व कर्टीस कॅम्फेर ( २४) वगळता अन्य फलंदाज अपयशी ठरले. महिश थिक्साना ( ३-१७), चमिका करुणारत्ने ( २-२७) व लहिरु कुमार ( २-२२) यांनी अप्रतिम गोलंदाजी केली. वनिंदूनं ४ षटकांत १२ धावा देताना १ विकेट घेतली. आयर्लंडचा संपूर्ण संघ १८.३ षटकांत १०१ धावांत माघारी परतला.