भारताला वर्ल्ड कप जिंकून देणारा गोलंदाज उतरला रस्त्यावर; लॉकडाऊन मोडणाऱ्यांना देतोय चोप

कोरोना व्हायरसच्या जगव्यापी साथीने प्रगत देशांना हतबल केले आहे.

By ऑनलाइन लोकमत | Published: March 25, 2020 05:46 PM2020-03-25T17:46:25+5:302020-03-25T17:47:04+5:30

Join us

भारताला वर्ल्ड कप जिंकून देणारा गोलंदाज उतरला रस्त्यावर; लॉकडाऊन मोडणाऱ्यांना देतोय चोप

Join us

सर्वतोपरी प्रयत्न करूनही आव्हाने वाढत आहेत. एक-दुसऱ्यापासून दूर राहणे (सोशल डिस्टन्सिंग, सामाजिक दुरावा), घराबाहेर न पडणे, घरातच राहणे, हा एकमेव मार्ग आहे. यात जराही निष्काळजीपणा केल्यास भारताला जबर किंमत मोजावी लागेल. त्याचा अंदाज बांधणेही कठीण आहे, असे कळकळीने सांगत पंतप्रधान नरेंद्र मोदी यांनी मंगळवारी मध्यरात्रीपासून देशभरात २१ दिवस संपूर्ण ‘लॉकडाऊन’ लागू करण्यात येत असल्याची घोषणा केली. तरीही लोकं रस्त्यावर गर्दी करताना पाहायला मिळत आहेत. वारंवार विनंती करूनही लोकं ऐकत नसल्यानं भारताचा गोलंदाज रस्त्यावर उतरला आहे आणि तो लॉकडाऊन मोडणाऱ्यांना चोपही देत आहे.

Video : सचिन तेंडुलकरचा मास्टर स्ट्रोक; कोरोना व्हायरसला हरवण्यासाठी केला दृढ निश्चय

आतापर्यंत जगभरात 4, 22,829 कोरोना रुग्ण आढळले आहेत आणि त्यापैकी 18, 907 जणांचा मृत्यू झाला आहे. पण, एक लाखाहून अधिक लोकंही बरी झाली आहेत. भारतातील आकडा 562 झाला असून त्यापैकी 11 जणं दगावली आहेत. वारंवार सूचना करूनही लोकं सोशल डिस्टन्स राखत नसल्यानं मंगळवारी पंतप्रधान मोदींना देशभरात लॉकडाऊन करण्याचा निर्णय घ्यावा लागला. तरीही लोकं घराबाहेर पडत आहेत. भारताला 2007 चा ट्वेंटी-20 वर्ल्ड कप जिंकून देणारा गोलंदाज जोगींदर शर्मा रस्त्यावर उतरला आहे.

ट्वेंटी-20 वर्ल्ड कप स्पर्धेतील पाकिस्तानविरुद्धच्या अंतिम सामन्यात जोगींदरच्या अखेरच्या षटकानं भारताला जेतेपद पटकावून दिले होते. क्रिकेटमधून निवृत्त झाल्यानंतर जोगींदरनं हरयाणा पोलीस जॉईन केले आणि तेथे तो पोलीस उपअधीक्षक पदावर कार्यरत आहे. त्यामुळेच तो रस्त्यावर उतरून लोकांना समजावण्याचा प्रयत्न करत आहे.

*Prevention is the only cure for Coronavirus,Let’s be together and fight with this Pandemic situation..Please cooperate with us* Jai Hind pic.twitter.com/Cl36TanfJP
— Joginder Sharma (@jogisharma83) March 24, 2020