Ind Vs Pakistan Live Match Highlight : भारतीय संघाने नाणेफेक जिंकून प्रथम गोलंदाजी करण्याचा निर्णय घेतला अन् गोलंदाजांनी कर्णधार रोहित शर्माचा हा निर्णय योग्य ठरवला. भुवनेश्वर कुमार व आवेश खान यांनी पहिल्या पॉवर प्लेमध्ये पाकिस्तानला दोन धक्के दिले. त्यानंतर हार्दिक पांड्याने सेट फलंदाजाला माघारी पाठवले. या सामन्यात रिषभ पंतला ( Rishabh Pant) प्लेइंग इलेव्हनमध्ये संधी न मिळाल्याने चाहते नाराज होते. त्यात बॉलिवूड अभिनेत्री उर्वशी रौतेला ( Urvashi Rautela) हा सामना पाहण्यासाठी स्टेडियमवर उपस्थित दिसली अन् सोशल मीडियावर मीम्सचा पाऊस पडला.
उर्वशी व रिषभ यांच्यात मागील काही दिवसांपूर्वी शाब्दिक युद्ध रंगलेले पाहायला मिळाले. उर्वशीने एका मुलाखतीत अप्रत्यक्षितपणे रिषभवर भाष्य करताना तो मला भेटण्यासाठी १२-१४ तास थांबला होता व ६० मिस्ड कॉल दिल्याचे म्हटले. त्यावर रिषभनेही सडेतोड उत्तर दिले होते.