T20 World Cup Final England vs Pakistan Live Updates : इंग्लंडच्या गोलंदाजांनी ट्वेंटी-२० वर्ल्ड कप स्पर्धेतील अंतिम सामन्यात सुरेख गोलंदाजी केली. विशेषताः फिरकीपटू आदिल रशीदने ( Adil Rashid) पाकिस्तानच्या फलंदाजांना फिरकीच्या तालावर नाचवले. बाबर आजम ( Babar Azam) आणि शान मसूद यांनी पाकिस्तानकडून त्यातल्या त्यात चांगला खेळ केला. सॅक करननेही त्याच्यावरील जबाबदारी चोख पार पाडताना पाकिस्तानला धक्के दिले. १९९२ची पुनरावृत्ती करण्याचे स्वप्न घेऊन मैदानावर उतरलेल्या पाकिस्तानची डरकाळी फुसकी ठरली. इंग्लंडच्या गोलंदाजांसमोर त्यांनी शेपुट गुंडाळले.
सन्नाटा! आदिल रशीदने पाकिस्तानच्या बाबर आजमला 'मामू' बनवला; इंग्लंडने फास आवळला, Video
बेन स्टोक्सने No Ball, Wide Ball ने इनिंग्जची सुरुवात केली. १९९२च्या वर्ल्ड कपमध्येही नो बॉलने पाकिस्तानच्या धावांची बोहनी झाली होती आणि आजही तसेच झाले. रिझवान व बाबर यांनी हळुहळू धावांचा वेग वाढवण्यास सुरुवात केली, पण त्याचवेळी इंग्लंडने हुकूमी एक्का काढला. सॅम करनने त्याच्या पहिल्याच षटकात रिझवानचा ( १५) त्रिफळा उडवून पाकिस्तानला धक्का दिला. रिझवान यापूर्वी दोन वेळा रन आऊट होता होता वाचला. मोहम्मद हॅरीसने काही सुरेख फटके मारून पाकिस्तानी चाहत्यांना खुश केले, परंत आदिर रशीदने त्याच्या पहिल्याच षटकात हॅरीसला गप्प केले. हॅरीसने पुढे येऊन टोलावलेला चेंडू बेन स्टोक्सने सहज टिपला.
सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"